धनगढी उपमहानगरपालिकासे आठौ चरण स्मार्ट सडक बत्तीके उद्घाटन
पहुरा समाचारदाता
धनगढी, २९ चैत । धनगढी उपमहानगरपालिकासे ओजरार धनगढी अभियानके धनगढी ओजरार बनैना आठौं चरणके कार्यक्रम अन्र्तगत टमान सडक खण्डमे जडान करल स्मार्ट सडकबत्तीके उदघाटन कैगिल बा ।
धनगढी मेनरोड सडक खण्ड अन्र्तगत कैलाली पुलसे जिल्ला प्रहरी कार्यालयसम, जिल्ला प्रहरी कार्यालयसे गुरही चोक (क्याम्पस रोड)सम रहल बा ।
हुलाकी सडक खण्ड अन्र्तगत अनाम नगरसे ब्ल्याक स्टोन कटेजसम, ब्ल्याक स्टोन कटेज चोकसे कालिका चोकसम ओ वेली गाउँ हनुमान मन्दिर जंगलके छेउसे वेली बजार खुटिया पुलसम रहल जनागिल बा ।
जुगेडा सेन्टर प्लट ए गाउँ सडक अन्र्तगत सेन्टर प्लट ए गाउँ सडक, वडा नम्बर ११ के बेला गाउँके सडक खण्ड अन्र्तगत बेला सडक रहल बा ।
बोराडाँडी चोकसे फाप्ला जाने सडक खण्ड अन्र्तगत फाप्ला जाने सडक खण्ड, धुर्झन्ना सडक खण्ड अन्र्तगत धनगढी–१७ नम्बर वडा कार्यालय जैना धुझन्ना सडक ओ ६ लेन सडकके बाँकी रहल स्वागत गेट क्षेत्रके छ लेन सडक खण्डमे स्मार्ट सडकबत्तीके उदघाटन नगर प्रमुख गोपाल बटैलै ।
उद्घाटन कार्यक्रममे नगर प्रमुख, उप प्रमुख कन्दकलाकुमारी राना, वडा अध्यक्षहुक्रे, प्रमुख प्रशासकीय अधिकृत, टमान शाखाके प्रमुख, स्थानीय तथा बृद्धिजीविहुकनके सहभागिता रहे ।
