सुदूरपश्चिममे ढेर सम्भावना बाः प्रदेश प्रमुख मियाँ
पहुरा समाचारदाता
धनगढी, १२ बैशाख । सुदूरपश्चिम प्रदेश प्रमुख नजिर मियाँ सुदूरपश्चिम प्रदेशमे ढेर सम्भावना रहल बटै बटै । नेपाल वितरक महासंघके १४औैं वार्षिक साधारण सभा समारोहमे उदघाटन कार्यक्रममे उहाँ उ बाट बत्वाइल रहिट ।
सुदूरपश्चिम प्रदेश प्राकृतिक, आर्थिक तथा मानवीय स्रोतके हिसाबसे समृद्ध बा, उहाँ कहलै, “यहाँ सम्भावना नैहो कना कना धारणा गलत प्रस्तुत कैजैटी बा । सम्भावनाहिन कहना दुर्भाग्यपूर्ण हो ।
उहाँ कहलै, सुदूरपश्चिम प्रदेश सांस्कृति, धार्मिक, पर्यटकीय स्थलके रुपमे ढेर सम्भावना बा, मने ओकर प्रवद्र्धन करेनैसेकल हो ।
उहाँ सुदूरपश्चिम प्रदेशहे सम्भावनाके खानीके रूपमे व्याख्या करटी यहाँके वन–जंगल, कृषि ओ पर्यटन क्षेत्रमे लगानी करे सेक्लेसे उल्लेखनीय प्रतिफल प्राप्त हुइना धारणा रख्लै ।
उहाँ विगतमे नेपालहे भारतसँग तुलना करके “कुछ नैहुइल” कना प्रवृत्ति रहल स्मरण करटी अब्बे जापान, अमेरिका ओ अष्ट्रेलियासँग तुलना करके निराशा फैलैना काम हुइटी रहल बटैलै । “नेपाल विकासके गति पकरल ढेर समय हुइल नैहो, छोट अवधिमे महत्वपूर्ण उपलब्धी हासिल हुइल बा,” उहाँ कहलै, “मने हुइल कामसे नैहुइल कामके प्रचार ढेर हुइटी रहल बा ।” प्रदेश प्रमुख मियाँ स्वदेशमे अवसर सिर्जना करे सेक्ना उल्लेख करटी देशभिटरे लगानी ओ रोजगारीके सम्भावना खोज्न आग्रह करलै ।
कक्षा १२ पास कैटीकी युवा विदेश जैना प्रवृत्ति बह्रटी गैलप्रति चिन्ता व्यक्त करटी उहाँ यैसिन प्रवृत्तिसे देशके दीर्घकालीन विकासमे असर पर्ना बटैलै । “विदेश जाके लौटल देशमे योगदान करुइयाहुक्रे सम्मानके पात्र हुइट,” उहाँ कहलै, “मने सदाके लाग देश छोरना प्रवृत्ति रोक्न आवश्यक बा ।”
सुदूरपश्चिम प्रदेशके आर्थिक मामिला राज्यमन्त्री प्रकाश बम संघीय सरकारसे अपेक्षाअनुसार बजेट विनियोजन नैकरेबेर प्रदेश विकासमे पाछे परल उल्लेख करलै । आवश्यक लगानी अभावके कारण यहाँके सम्भावना पूर्ण रूपमे उपयोग हुई नैसेकल उहाँके कहाई रहे ।
धनगढी उपमहानगरपालिकाके मेयर गोपाल हमाल महासंघसे साधारणसभाके लाग धनगढी रोजलमे धन्यवाद व्यक्त करटी निजी क्षेत्र ओ स्थानीय सरकारबीच सहकार्य आवश्यक रहल बटैलै ।
कार्यक्रममे महमसंघके वरिष्ठ सल्लाहकार गोविन्द कर्माचार्य, निवर्तमान अध्यक्ष हरिराज पन्त, उद्योग वाणिज्य महासंघ सुदूरपश्चिम प्रदेश अध्यक्ष पुष्प कुवँर, कैलाली उद्योग वाणिज्य संघके अध्यक्ष पुस्कार ओझा, महासंघके कोषाध्यक्ष मदनराज न्यौपानेलगायत मन्तव्य राखल रहिट ।
कार्यक्रम महासंघके अध्यक्ष दुर्गा प्रसाद गौतमके अध्यक्षतामे हुइल रहे । २०६६ सालमे स्थापना हुइल महासंघ दैनिक उपभोग्य वस्तु द्रुत गतिमे बिक्री हुइना उपभोक्ता वस्तु (एफएमसीजी)के वितरण कैना जिल्ला वितरक संघके छाता संगठन हो । १७ वर्षके अवधिमे महासंघ ४५ जिल्लामे विस्तार हुसेकल बा ।
महासंघसे २०७२ सालके महाभूकम्प, २०७६ सालके कोभिड महामारी ओ २०८० सालके जाजरकोट भूकम्पके समयमे जोखिम मोलके अति आवश्यक वस्तुके आपूर्ति व्यवस्था चालु राखल अध्यक्ष गौतम स्मरण करलै । ’हम्रे नाफामुखिसेफे जिम्मेवारी लेके आपूर्ति व्यवस्थापनके पुलके रुपमे काम कैना व्यवसायी हुई,’ उहाँ कहलै ।कार्यक्रममे देशके टमान जिल्लाके वितरक व्यवसायीहुकनके सहभागिता रहेको थियो कलेसे व्यापार, लगानी ओ बजार व्यवस्थापनके टमान विषयमे छलफल करल रहे ।
