कैलाली निर्माण व्यवसायी संघमे जोशी प्यानल सार्वजनिक

पहुरा समाचारदाता
धनगढी, २० बैशाख । निर्माण व्यवसायी संघ कैलालीके आगामी अधिवेशनहे लक्षित करटी दिर्घराज जोशी नेतृत्वके प्यानल औपचारिक रूपमे सार्वजनिक करल बा । अध्यक्षके प्रत्याशी दिर्घराज जोशीसे अपन टिम घोषणा करटी सशक्त ओ अनुभवी नेतृत्व प्रस्तुत करल हुइट ।

घोषित प्यानल अनुसार अध्यक्षमे दिर्घराज जोशी रहल बटै कलेसे बरिष्ठ उपाध्यक्षमे धिरेन्द्र साउद, प्रथम उपाध्यक्षमे बिक्रम बिष्ट ओ द्वितीय उपाध्यक्षमे डम्बर चन्द उम्मेदवार रहल बटै । ओस्टेक करके महासचिवमे अमर बहादुर खड्का, नीतिगत उपमहासचिवमे योगेन्द्र बहादुर चन्द ओ आन्तरिक उपमहासचिवमे सिद्धराज भट्ट रहल बटै ।

कोषाध्यक्षमे सुरेन्द्र राज भट्ट तथा सह–कोषाध्यक्षमे मणिराज भट्ट उम्मेदवार बनल बटै । सदस्यमे चक्र बहादुर मल्ल, बिनोद बिष्ट, टेक बहादुर खड्का, टेकराज जोशी, शिवराज सापकोटा ओ रुद्रप्रसाद पन्त रहल बटै । महिला सदस्यओर शुभलक्ष्मी हमाल ओ आदिवासी÷दलित सदस्यओर मदन बिसी उम्मेदवार रहल बटै ।

ओस्टेक करके भुगोल ओरसे धनगढी उपमहानगपालिकासे दिपेन्द्र साउद, गोदावरी नगरपालिकासे गोकर्ण बिष्ट, टिकापुरसे दिपेन्द्र साउद, गौरीगंगासे गणेश कलेल, घोडाघोडीसे सुरेश बोगटी, लम्कीचुहासे विष्णु शाही, भजनीसे युवराज चौधरी, कैलारीसे दिलिप रोकाया, जानकीसे प्रबिण राना, जोशीपुरसे खगेन्द्र मौनी, बर्दगोरियासे नविन कुंवर, मोहन्यालसे कमल बयाला ओ चुरेसे दिलबहादुर भाट उम्मेदवार रहल बटै ।

यी आघे अध्यक्षके दाबेदार मानल धिरेन्द्र साउदसे जोशी प्यानलसे बरिष्ठ उपाध्यक्षमे उम्मेदवारी डेले बटै, जिहीसे चुनावी समीकरणहे थप रोचक बनाइल बा । उम्मेदवार घोषणा कार्यक्रममे नेपाल निर्माण ब्यबसायी महासंघके उपाध्यक्ष प्रकाश बहादुर सेठी, प्रदेश अध्यक्ष लक्ष्मण स्वार, जिल्ला अध्यक्ष टेक बहादुर मल्ल, केन्द्रीय सदस्यद्वय लक्ष्मण साउद ओ मदन सिंह धामी लगायत निर्माण ब्यबसायीहुकनके उपस्थिति रहल रहे ।
संघके २९ औं साधारणसभा तथा १२ औं अधिवेशन यिही बैशाख २४ ओ २५ गते संघके कार्यालयमे हुइना तय हुइल बा । अधिवेशन लग्गे हुइटी जाके नेतृत्वके लाग प्रतिस्पर्धा झन् चर्कटी गैल डेखजाइठ ।