प्रदेश सरकारके बजेट खर्चमे गिरावट !

लखन चौधरी
धनगढी, १८ बैशाख । सुदूरपश्चिम प्रदेश सरकार अइना आर्थिक बरस २०७७÷२०७८ के लौव बजेट बनैना लागल बा ।
बैशाख टेसर अठ्वारभित्रे बजेटके सिलिड्ड नन्ना मेरके लौव बजेट बनाइक लागल हो । प्रदेश सरकारके आर्थिक मामिला तथा योजना मन्त्री झपट बहादुर बोहरा लौव बजेट निर्माणके काम धमाधम हुइटी रहल जनैलै ।
मन्त्रालयके स्रोत तथा मापदण्ड समिति बैठक बैठके आन्तरिक स्रोतके प्रतिवेदन फेन बनासेक्ले बा । विषयगत मन्त्रालयहे बजेटके सिलि∙ पठाइक लाग काम करटी रहल मन्त्री बोहरा बटैलै ।
संघीय सरकार सुदूरपश्चिम प्रदेश सरकारहे वित्तीय समानिकरण ओ राजश्व बाँडफाँडके बजेट सिलि∙ समेत पठासेक्ले बा । आर्थिक मामिला तथा योजना मन्त्रालयके अनुसार संघीय सरकारसे अइना आर्थिक बरसमे प्रदेश सरकार ८ अर्ब ४२ करोड ४३ लाखके वित्तीय समानिकरण ओ ७ अर्ब ८७ करोड ३६ लाखके राजश्व बाँडफाँडके बजेट पैना हुइल बा ।
मन्त्री बोहरा बजेटके मापदण्ड जारी कर्र्ना तयारीमे रहल बटैटी चालु आर्थिक बरसके तुलनामे बजेटके आकार बह्रना जानकारी डेलै । मने सरकारसे ठप्पी रहल लकडाउनसे फेन बजेटके आकारमे प्रभाव पर्ना मन्त्री बोहराके कहाई रहे ।
मन्त्रालय अब्बा बजेट स्रोतके हिसाव करटी रहल ओ कुछ दिनमे बजेटके अनुमानित आकार निर्धारण हुइना बटागिल बा ।
यहेबीच अइना बजेट कोरोना भाइरस विरुद्ध केन्द्रीत हुइना जनागिल बा । मन्त्री बोहरा प्रदेशमे कोरोनासे पारल असरहे रिकभर कर्र्ना गरी बजेटके प्राथमिकता निर्धारण करल बटैलै । उहाँके अनुसार स्वास्थ्य, कृषि, रोजगार, साना तथा लघु उद्यम ओ विकास निर्माणहे प्राथमिकतामे पर्ना हुइल बा ।
ओस्टके चालु आर्थिक बरसके बजेट खर्चमे बहुट गिरावट आइल बा । चैत मसान्तसममे चालू आर्थिक बरसके कुल विनियोजित बजेट २८ अर्ब १६ करोड २० लाख रुपैयाँ मध्ये जम्मा २१ प्रतिशत किल बजेट खर्च हुइल बा । तथ्यांकअनुसार प्रदेश सरकर चालु ओ पुँजिगत बजेट करके चैत मसान्तसम ५ करोड ८४ करोड ७६ लाख रुपैयाँ किल खर्च करल हो ।
गैल आर्थिक बरसमे २५ अर्व रुपैयाँके बजेट विनियोजन करल प्रदेश सरकार ६० प्रतिशतके हाराहारीमे बजेट खर्च करल रहे । चालु आब २०७६÷७७ के बजेट पास करेबर प्रदेश सभामे ९० प्रतिशतसे ढिउर खर्च कर्ना दावी करल रहे । मने कोराना कहरकेबीच जारी लकडाउनसे विकास निर्माण ठप्प हुुइलपाछे बजेट खर्चमे विगतके से झने खस्कन अनुमान करगिल हो ।
मन्त्री बोहरा नोवेल कोरोना भाइरसके कारण देशभर लकडाउन हुइलपाछे प्रदेश सरकारके सक्कु विकास निर्माण तथा गतिविधि ठप्प होके बजेट खर्च ठप्प हुइल बटैलै । उहाँ ढिउरमे ५० प्रतिशत बजेट किल खर्च हुइसेक्ना उल्लेख कर्लै ।
मने चालु आवमे खर्च हुई नैसेक्ना बजेटके बाँकी अंश आव २०७७÷२०७८ के बजेटमे समावेश करके बजेटके आकार बह्रैना तयारीमे प्रदेश सरकार जुटल बा ।