चैतन्य पाठशालासे डोटीके रघुनाथ माविहे २७२ जोडी विद्यालय पोसाक सहयोग
पहुरा समााचारदाता
धनगढी, ३० कार्तिक । चैतन्य पाठशाला धनगढीसे डोटीके जोरायल गाउँपालिका–६ निरौलीस्थित रघुनाथ माध्यमिक विद्यालयहे २७२ जोडी विद्यार्थी पोसाक सहयोग करले बा ।
चैतन्य शैक्षिक जागरण अभियानअन्तर्गत सामुदायिक विद्यालयमे अध्ययनरत विद्यार्थीके पठनपाठनमे सहयोग पु¥यइना उद्देश्यसे विद्यालय पोसाक प्रदान करल हो ।
प्राध्यापक डाक्टर धर्मदेव भट्टके प्रमुख आतिथ्यतामे आयोजित कार्यक्रममे चैतन्य पाठशालामे अध्यक्ष गणेशप्रसाद जोशी, प्रचार्य प्रेमनिधि ओझा, चैतन्य शैक्षिक जागरण अभियानके सहजकर्ता ईश्वर गिरी तथा रघुनाथ माध्यमिक विद्यालयके प्रधानाध्यापक धनबहादुर पुन मगर, अङ्ग्रेजी शिक्षक नरबहादुर ओली, गणित शिक्षक भवानी जोशीलगायतके शिक्षकहुकनके उपस्थिति रहे ।
शनिच्चर धनगढीस्थित चैतन्य पाठशालामा आयोजित कार्यक्रममे प्रमुख अतिथि प्राध्यापक डाक्टर धर्मदेव भट्ट रघुनाथ माध्यमिक विद्यालयके प्रधानाध्यापक धनबहादुर पुन मगरहे पोसाक हस्तान्तरण करल हुइट ।
किसान ओ मजदुरके छावाछाईके शिक्षामे सहयोग
पोसाक हस्तान्तरण कार्यक्रममे चैतन्य पाठशालाके अध्यक्ष गणेशप्रसाद जोशी सामाजिक तथा शैक्षिक क्षेत्रमे सहयोग कैना उद्देश्यसे विद्यालयसे चैतन्य शैक्षिक जागरण अभियान सञ्चालन करटी आइल बटैलै ।
२०१२ सालमे स्थापना हुइल रघुनाथ माध्यमिक विद्यालयमे किसान तथा मजदुर परिवारके छावाछाई अध्ययनरत रहल ओरसे ओइनके शैक्षिक यात्रामे सहयोग पुगे कना उद्देश्यसे पोसाक प्रदान करल उहाँ बटैलै ।
‘२०१२ सालमे खुलल चर्चित विद्यालयमे किसान ओ मजदुरके छाईछावा पह्रटी रहल बटै । ओइनके शिक्षामे सहयोग पुगे कहिके हम्रे छोट प्रयास करल हुई,’ अध्यक्ष जोशी कहलै, ‘चैतन्य पाठशालासे विगत पाँच वर्षसे चैतन्य शैक्षिक जागरण अभियान सञ्चालन करके दुर्गम पहाडी जिल्लाके विद्यालयहे सहयोग करटी आइल बा ।’
उहाँ संस्कारसहितके शिक्षा, जीवन्त सिकाइ ओ शिक्षामे प्रविधिके प्रयोगमार्फत बालबालिकाके सिकाइ प्रक्रियामे आमूल परिवर्तन ल्यन्ना उद्देश्य चैतन्य पाठशालासे राखल बटैलै । सामुदायिक विद्यालयके शैक्षिक गुणस्तर सुधार तथा सक्कु बालबालिकाके शिक्षामे पहुँच विस्तारके लाग सहयोगहे निरन्तरता डेना उहाँक कहाई रहे ।
शैक्षिक जागरण अभियान अनुकरणीयः प्राध्यापक भट्ट
पोसाक हस्तान्तरण कार्यक्रममे बोल्टी प्रमुख अतिथि प्राध्यापक डाक्टर धर्मदेव भट्ट चैतन्य पाठशालासे चैतन्य शैक्षिक जागरण अभियान चलाके शिक्षाके क्षेत्रमे अनुकरणीय काम करल बटैलै ।
‘चैतन्य पाठशालासे चैतन्य शैक्षिक जागर अभियान अन्तर्गत शिक्षामे सक्कुहुनके पहुँच हुई परठ कना मान्यता अन्तर्गत टमान समयमे सुदूरपश्चिमके टमान विद्यालयमे पुगके सहयोग करटी आइल बा,’ उहाँ कहलै, ‘चैतन्य पाठशालासे सुदूरपश्चिममे शैक्षिक जागरणके लाग सहयोग करटी आइल बाट प्रशंसनीय बा ’
प्राध्यापक भट्टसे चैतन्य पाठशालासे दुर्गम क्षेत्रके विद्यालयमे विद्यालय पोसाक सहयोग केल्ह नैहुके गुणस्तरीय शिक्षा विस्तारसे चेतना फैलैना, शिक्षामे प्रविधिके प्रयोग कैनासमेत सहयोग करटी आइल बटैलै । कार्यक्रममे प्राध्यापक डाक्टर धर्मदेव भट्ट चैतन्य पाठशालासे संस्थागत रूपमे शैक्षिक जागरण अभियान सञ्चालन करके शिक्षाके क्षेत्रमे अनुकरणीय काम करल बटैलै ।
शिक्षामे सक्कुहुनके पहुँच सुनिश्चित हुईपर्ना मान्यताके साथ चैतन्य पाठशालासे सुदूरपश्चिमके टमान विद्यालयमे पुगके सहयोग करटी आइल उहाँ बटैलै ।
‘चैतन्य पाठशालासे चैतन्य शैक्षिक जागरण अभियानमार्फत सुदूरपश्चिमके टमान विद्यालयहे सहयोग करटी आइल बा । दुर्गम क्षेत्रके विद्यालयमे पोसाक सहयोग कैनासे गुणस्तरीय शिक्षा विस्तार, चेतना अभिवृद्धि ओ शिक्षामे प्रविधिो प्रयोगहे प्रोत्साहन कैना काम प्रशंसनीय बा,’ उहाँ कहलै ।
उहाँ शिक्षामे समान अवसर सिर्जना कैना यैसिन अभियानसे महत्वपूर्ण भूमिका खेल्न विश्वास व्यक्त करलै ।
चार वर्ष अध्यापन करल विद्यालयके प्रगतिसे खुसी
चैतन्य पाठशालाके प्राचार्य प्रेमनिधि ओझा चैतन्य पाठशालासे समाजमे चेतना फैलैना काम करटी आइल स्मरण करटी सामाजिक उत्तरदायित्व स्वरुप रघुनाथ माध्यमिक विद्यालय जोरायल डोटीहे छोट सहयोग करल बटैलै । विद्यार्थीहुकनहे प्रत्यक्ष फाइदा होए कहिके सहयोग करल ओझा बटैलै ।
अपन शैक्षिक यात्राके चार वर्ष रघुनाथ माध्यमिक विद्यालयमे अध्यापन करल स्मरण करटी प्राचार्य ओझा अब्बे भर विद्यालयसे बहुट प्रगति करल बटैलै । दुर्गम क्षेत्रके विद्यालयमे शिक्षकहुकजके सामुहिक प्रयाससे विद्यार्थीहुकनके शैक्षिक उपलब्धिमे भारी सुधार हुइल बाटसे खुशी लागल प्राचार्य ओझा बटैलै ।
‘मै शैक्षिक जीवनके चार वर्ष रघुनाथ माध्यमिक विद्यालयमे अङ्ग्रेजी विषय अध्यापन कैना अवसर पाइल रहिट । रघुनाथ माध्यमिक विद्यालय अब्बे डोटीके अग्रणी विद्यालय बनल बा,’ उहाँ कहलै, ‘शिक्षकहुकनके मेहनतसे आधारभूत तह ओ एसईईमे आइल सुधार गर्व कैना लायक बा ।’
प्राचार्य प्रेमनिधि ओझासे सामाजिक उत्तरदायित्व अन्तर्गत रघुनाथ माध्यमिक विद्यालयहे सहयोग करल बटैलै । विद्यार्थी प्रत्यक्ष लाभ पैना करके सहयोग कैना उद्देश्यसे पोसाक प्रदान करल उहाँक कहाई रहे ।
अपन शैक्षिक जीवनके चार वर्ष रघुनाथ माध्यमिक विद्यालयमे अङ्ग्रेजी विषय अध्यापन करल स्मरण करटी प्राचार्य ओझा विद्यालयसे पछिल्का समय उल्लेखनीय प्रगति करलमे खुसी व्यक्त करलै ।
दुर्गम क्षेत्रके विद्यालय हुइलेसेफे शिक्षकहुकनके सामूहिक प्रयाससे विद्यार्थीके शैक्षिक उपलब्धिमे सुधार ल्यन्ना सम्भव हुइल उहाँ बटैलै ।
एसईई उत्तीर्ण प्रतिशत ८८ से ९५ पुगल
रघुनाथ माध्यमिक विद्यालयके प्रधानाध्यापक धनबहादुर पुन मगरसे चैतन्य पाठशालासे करल सहयोग विद्यालयमे अध्ययनरत विद्यार्थीहे प्रत्यक्ष लाभ पुग्न बटैलै । चैतन्य पाठशालामे जस्टे गुणस्तरीय शिक्षा हासिल कैना अवसर सक्कु बालबालिकासे पाई पर्ना उहाँक कहाई रहे ।
उहाँक शिक्षकहुकनके सामूहिक प्रयास ओ निरन्तर मेहनतके कारण पछिल्का वर्षमे विद्यालयके शैक्षिक उपलब्धिमे उल्लेखनीय सुधार हुइल जानकारी डेलै ।
उहाँक अनुसार २०८१ सालके एसईई परीक्षामे विद्यालयके उत्तीर्ण प्रतिशत ८८ रहलमे २०८२ सालमे बह्रके ९५ प्रतिशत पुगल बा ।
यी वर्ष शतप्रतिशत नतिजा हासिल कैना लक्ष्यसहित कक्षा ८, ९ ओ १० के विद्यार्थीके आवासीय सुविधासमेत व्यवस्था करल प्रधानाध्यापक पुन बटैलै ।
उहाँक अनुसार न्यून शुल्कमे आवासीय सुविधासहित अतिरिक्त कक्षाके व्यवस्था मिलाइल बा । विद्यार्थीहे शिक्षकहुक्रे पर्याप्त समय डेके अध्ययन–अध्यापन करैना व्यवस्थाफे करल बा ।
चैतन्य पाठशालासे सञ्चालन करटी आइल चैतन्य शैक्षिक जागरण अभियानसे सामुदायिक विद्यालयके शैक्षिक गुणस्तर सुधार, विद्यार्थीहे आवश्यक शैक्षिक सामग्री सहयोग तथा दुर्गम क्षेत्रके बालबालिकाके शिक्षामे पहुँच विस्तारहे प्राथमिकता डेटी आइल बा ।

