थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

थरुहट राष्ट्रिय मोर्चासे फागुन २० ओ २१ गते आमहड्तालके घोषणा

पहुरा समाचारदाता | १९ फाल्गुन २०७६, सोमबार
थरुहट राष्ट्रिय मोर्चासे फागुन २० ओ २१ गते आमहड्तालके घोषणा

पहुरा समाचारदाता
धनगढी, १८ फागुन । थरुहट–थारुवान राष्ट्रिय मोर्चासे यिहे फागुन २० ओ २१ गते सशक्त आमहड्ताल घोषणा करले बा ।
सरकारसे १४ बुँदे माग राख्टी आन्दोलनरत मोर्चा सरकारहे दबाब डेके माग मुद्धा पुरा कराइक लाग दुसरा चरणके कार्यक्रम अन्तर्गत २० ओ २१ गते दुई दिन शान्तिपूर्ण सशक्त आम हड्तालके कार्यक्रम घोषणा करल हो ।
मोर्चाके केन्द्रिय संयोजक लक्ष्मण थारुसे हस्ताक्षरित पे्रस वक्तब्यमे आमहड्तालके क्रममे कलकारखाना, उद्योग धन्दा, व्यापार, व्यवसाय, शिक्षण संस्था लगायत सवारी तथा धुवानीके सक्कु यातायातके साधन पूर्णतया बन्द रहना जनाइल बा ।
आमहड्तालहे नजर अन्दाज कैके सवारी साधन चलैले ओ खोल्लेसे उत्पन्न हुइना सक्कु परिस्थितिको सक्कु जिम्मेवारी नेपाल सरकार ओ स्वयं रहना फेन मोर्चा जनैले बा ।
मने आम हड्तालके समयावधिमे अत्यावश्यक सवारी साधन, दमकल, एम्बुलेन्स, शव बाहन, सुरक्षा निकाय, दुध बोक्न, औषधीजन्य, रेडक्रस, मानव अधिकारकर्मी, पर्यटक, पत्रकार, कुटनीतिक नियोगके सवारी साधन निर्वाधरुपमे सञ्चालन हुइ पैना जनैले बा ।
मोर्चासे नेता रेसम चौधरीसहित ११ जने जेलबन्दी, टीकापुर घटनाबारे सत्य तथ्य छानबिन कैना पूर्व न्यायाधीश गिरीशचन्द्र लाल नेतृत्वके न्यायिक समिति, गृह मन्त्रालयसे गठित अनुसन्धान विभागके पूर्व प्रमुख देवीराम शर्माके संयोजकत्वमे गठित छानबिन समितिके प्रतिवेदन ओ सर्वदलीय संसदीय समितिके प्रतिवेदन सार्वजनिक करे पर्र्ना लगायत १४ बुँदे माग राख्टी मोर्चा आन्दोलनरत रहल बा ।
आन्दोलनमे आदिवासी जनजाति महासंघ, मिसन अम्बेडकर नेपाल, खसान सङ्घर्ष समिति, खम्बुवान राष्ट्रिय मोर्चा, संघीय लोकतान्त्रिक मञ्च, नेपाल राष्ट्रिय पार्टी, संयुक्त खस क्षेत्री नेपाललगायत संघसंस्था ऐक्यबद्धता जनैले बाटै ।

जनाअवजको टिप्पणीहरू