माओवादी केन्द्रके जनसाँस्कृतिक अभियान

पहुरा समाचारदाता
मसुरिया, २६ फागुन । मेची–महाकाली पैदल यात्रा अभियानमे रहल माओवादी केन्द्रके अध्यक्ष क.गोपाल किराँती भारतीय विस्तारवाद ओ अमेरिकी साम्राज्यवादके विरुद्ध अपन अभियान संचालन करल बटैले बाटै ।
२५ औ जनयुद्ध दिवसके अबसरमे फागुन १ गते पुर्वके मेची नगरसे पैदल यात्रा सुरु करल किराँती एमसिसिके माध्यमसे देशके सिमाना हड्प्ना हर्कतसे नेपालहे संयुक्त उपनिवेश बनाई खोजल कहटी ओहोर ओर वर्तमान सरकार लम्पसार परके लागल बटैलै ।
भ्रष्टाचार बलात्कारके विरुद्धफे अपन पार्टीके अभियान रहल ओरसे नेपाली जनतासंग अपिल करटी नेपालके राष्ट्रिय स्वधिनता सार्वभौमिता ओ अखण्डताके पक्षमे देशभक्त नेपाली बन्न अपिल कैना क्रममे व्यापक सहानुभूति पाइल उल्लेख करलै ।
पैदल यात्रा कठोर साध्य हुइल कहटी २५ औ दिनमे मसुरिया पुगल बटैलै । नेपालमे नयाँ राष्ट्रिय एकीकरण चाहल कहटी किराँती कहलै ‘सामन्तवादके एकीकरण पुरान ओ पुजीवादीहुक्रे राष्ट्रिय एकीकरण करे नाएसेक्ना दलाल चरित्रके रहल ओरसे सर्वहारा वर्ग नयाँ राष्ट्रिय एकीकरण कैना आवश्यक रहल बा ।’
माओवादी केन्द्रके देशभक्त जनसाँस्कृत अभियान कञ्चनपुरके महाकाली पुगके समापन हुई ।