धार्चुलामे रहल हजारौं नेपाली मजदुर घर फिर्ता हुइटी

धनगढी, १८ वैशाख । महिनौं दिनसे भारत पिथौरागढके धार्चुलास्थित क्वारेन्टाइनमे रहल नेपाली मजदुरहुकनके उद्धार विफेक् रोज विहान्नीसे शुरु करगिल बा ।

लकडाउनपाछे स्वादेश फिर्ता हुई नैपाइल उहाँहुकनके विहान्नीसे उद्धार शुरु करल दार्चुलाके प्रमुख जिल्ला अधिकारी यदुनाथ पौडेल जनैलै ।

बुधके रोज बैतडी, दार्चुला ओ पिथौरागढके जिल्ला अधिकारीहुकनबीच हुइल उच्चस्तरीय सहमतिपाछे उद्धार करे लागगिल हो ।

गैल चैत १३ गतेसे भारत पिथौरागढके धार्चुलाके ५ ठो क्वारेन्टाइनमे १ हजारसे ढिउर नेपाली १ महिनासे बैठल बाटै ।

दार्चुलामे क्वारेन्टाइनके तयारी अवस्थामे राखगिल बा । उद्धारपाछे उहाँहुकनहे सम्बन्धित स्थानीय तहमे पठैना यातायातके व्यवस्था समेत करगिल बा ।

धार्चुलामे रहल नेपालीहुकन २ ठो नाकासे नन्ना काम हुइटी बा । धार्चुलामे १० जिल्लाके नागरिक बैठल रहिट ।