रोदन मेडिकलसे स्वास्थ्य सामग्री सहयोग

हसुलिया, २४ बैशाख । धनगढी क्याम्पस चौक स्थित रोदन चौधरी मेडिसिन सपसे कैलारी गाउँपालिकाहे स्वास्थ्य सामग्री सहयोग करले बा ।
बुधके रोज मेडिसिन सपके सञ्चालक चन्द्रसिंह चौधरी गाउँपालिका अध्यक्ष लाजुराम चौधरीहे सहयोग करल हुइट । कोरोना भारइस (कोभिड १९) रोकथाम तथा नियन्त्रणके लाग अहोरात्र खटल स्वास्थ्यकर्मी तथा सुरक्षाकर्मीके लाग १ सय सेट सेनिटाइजर, १ सय सेट मास्क ओ २ सय सेट गोलोभ्स् सहयोग करल जनैलै ।
उ अवसरमे गाउँपालिकाके वडा नं. ७ के वडा अध्यक्ष कमलप्रसाद चौधरी, स्वास्थ्य शाखा प्रमुख विरेन्द्र सापकोटा, योजना शाखा प्रमुख सन्तोष कुमार चौधरी लगायतके उपस्थिति रहल रहे ।
कैलारी गाउँपालिकामे स्थापना करल क्वारेन्टाइन व्यवस्थापनके लाग टमान स्वास्थ्य सामग्रीके खाँचो रहल जनाइल बा । उ गाउँपालिकामे तीनठो क्वारेन्टाइन स्थापना करल बा ।