नेपाल शिक्षक संघसे आर्थिक सहयोग

हसुलिया, २८ वैशाख । नेपाल शिक्षक संघ कैलारी गाउँपालिका स्तरीय कार्य समितिसे गाउँपालिकाहे नगद २२ हजार रुपैयाँ सहयोग करले बा ।
कोरोना भाइरस (कोभिड–१९) ओ बन्दाबन्दीके कारण समस्यामे परल विपन्नहे राहत वितरणके लाग संघसे गाउँपालिकाहे सहयोग करल हो । समितिके अध्यक्ष मदनप्रसाद पौडेल अँट्वारके गाउँपालिकाके अध्यक्ष लाजुराम चौधरीहे सहयोग रकम हस्तान्तरण करल गाउँपालिकाके आइटी कर्मचारी रविन्द्र चौधरी जानकारी डेले बाटै ।
सहयोग हस्तान्तरण अवसरमे गाउँपालिकाके प्रमुख प्रशासकीय अधिकृत खगेन्द्रराज जोशी ओ नेपाल शिक्षक संघके प्रतिनिधिके उपस्थिति रहल रहे ।