गौरीशंकर डेन्टल करल संचारकर्मीहुकन स्वास्थ्य सामग्री सहयोग

धनगढी, २ जेठ । गौरीशंकर डेन्टल प्रालि धनगढीके सञ्चालक रतन एसके संचारकर्मीहुक्रनके लाग स्वास्थ्य सामाग्री सहयोग करले बाटै ।

कोरोना भाईरस (कोभिड १९) फैलल् संगे समाचार संकलनके लाग अग्रस्थानमे रहना संचारकर्मीहुक्रनके लाग स्वास्थ्य सामाग्री सहयोग करल हो । उ सामाग्री नेपाल पत्रकार महासंघ धनगढी शाखाके कोषाध्यक्ष हिमाल जोशीहे हस्तान्तरण करल बा । उ अवसरमे बोल्टी कोषाध्यक्ष जोशी स्वास्थ्यकर्मी, सुरक्षाकर्मी संगे सञ्चारकर्मी फेन फ्रन्ट लाईनमे काम करटी रहल अवस्थामे यी सहयोगसे कम हुइलेसे फेन राहत हुइल बटैलै । उहाँ अन्य निकायहे फेन सञ्चारकर्मीहुक्रनहे सहयोग कैना आग्रह करलै ।

गौरी शंकर डेन्टल प्रालि समय समयमे सामाजिक कार्य करटी आइल सञ्चालक एसके जानकारी डेलै ।