आरके थारु एण्ड संघाती डसिया सांस्कृतिक प्रस्तुती

धनगढी, १ कार्तिक । संस्कृतिके झन्कारसंगे मानव सेवा ओ परोपकार रसुवा बाढपीडितके सहयोगार्थके लाग धनगढीमे आरके थारु एण्ड संघाती डसिया सांस्कृतिक प्रस्तुती हुइना बा ।

मिटुस घोङगी स्टेशन प्रालिके आयोजनामे थारू कला, संस्कृति, भाषा, संगीत तथा स्थानीय प्रतिभाके प्रवद्र्धन कैना उद्देश्यसहित ओम प्यालेस, नयाबजार, धनगढी, कैलालीमे आरके थारु एण्ड संघाती डसिया सांस्कृतिक प्रस्तुती हुइल हो ।

डसियाके उल्लासहे संगीत, संस्कृति ओ सामाजिक सेवासंग जोरना उद्देश्यसे सुदूरपश्चिम ओ लुम्बिनी  प्रदेशके टमान समुदायहे लक्षित करके उ सांस्कृतिक कार्यक्रम आयोजना

करल बा ।

कार्यक्रममे लोकप्रिय थारु गायक तथा गीतकार आरके थारु संघाती ब्याण्डके विशेष सांगीतिक प्रस्तुति रहल रहे । साथे गायिका तथा मोडल अञ्जु कुश्मी (फूलकुमारी), (बाँकी, ३ पेजमे)

 लक्ष्मी राना, समीक्षा चौधरी, मोडल मधु चौधरी तथा होस्ट एवं गायक अनुप मगर लगायत कलाकारहुकनके सहभागिता रहे ।

कार्यक्रममे लाइभ कन्सर्ट, सांस्कृतिक नृत्य, स्थानीय कलाकारहुकनके प्रस्तुति तथा डान्स मनोरञ्जनसमेत रहे ।

मिटुस घोङगी स्टेशन प्रालिसे थारू समुदायके मौलिक पहिचान, परम्परा, खानपान, भेषभूषा, कला ओ संगीतहे नयाँ पुस्तामाझ परिचित करैटी सांस्कृतिक पर्यटन तथा स्थानीय प्रतिभाके विकासमे योगदान पुगैना लक्ष्य राखल बा ।

यी अभियानके निरन्तरताके रुपमे आयोजना हुई लागल स्थानीय कलाकारहे व्यावसायिक मञ्च प्रदान कैनाके साथे युवा पुस्ताहे अपन संस्कृति ओ पहिचानसँग जोरना विश्वास आयोजक लेले बा ।

आयोजकसे सांस्कृतिक उत्सवहे मनोरञ्जनमे केल्ह सीमित नैराखके सामाजिक उत्तरदायित्वसंग जोरना उद्देश्य राखल राजाराम चौधरी जानकारी डेलै ।

रसुवाके बाढपीडितहे सहयोग कैना अभियानहे प्राथमिकतामे रख्टी मानवीय सहयोग, सामाजिक एकता ओ परोपकारी भावनाके प्रवर्धन कैना लक्ष्यसमेत कार्यक्रमसे लेहल बा ।

कार्यक्रममे मुख्य आकर्षण आरके थारुके संघातीके प्रस्तुती, थारु सांस्कृतिक नृत्य सखिया, होरी, मुङग्रहवा, झुम्रा रहे ।

आरके थारू ओ सांघातीके आयोजनामे हुइल कार्यक्रमके लाग २५० रुप्या टिकटसे उठल रकमके १० प्रतिशत रकम रसुवा बाढी प्रभावितहे हस्तान्तरण कैना व्यवस्थापक चौधरी जानकारी डेलै । कार्यक्रमके हस्पिटालिटी पार्टनरमे होटल बसेरा ओ माछा घर रहल रहे ।