थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

मौरी, मौरीजन्य सामग्री वितरण

पहुरा | ३ असार २०७७, बुधबार

पहुरा समाचारदाता
मसुरिया, ३ असार ।
मौरी तथा मौरीजन्य सामग्री वितरण तथा सार्वजनिक सुनुवाई कार्यक्रम गौरीगंगा नगरपालिकामे बुधके रोज हुइल बा ।
मौरीपालन ब्लक संचालक समितिहे प्रधानमन्त्री आधुनिकीकरण परियोजना मौरी ब्लक अन्तर्गत कृषि ज्ञान केन्द्र कञ्चनपुरसे ५० प्रतिशत अनुदानमे मौरी तथा मौरीजन्य सामग्री वितरण करल हो ।
समितिके संयोजक लिलाधर न्युरेके सभापतित्वमे हुइल कार्यक्रममे पुर्व सामाजिक विकास मन्त्री एवं प्रदेश सभा सदस्य दीर्घ सोडारी रहल रहिट । सामग्री हस्तान्तरण करटी सोडारी मौरी पालनसे नगरपालिका ओ वडाके पहिचान डेना कहटी विदेशसे भारी परिमाणमे मह आयात हुइटी रहल आयात विस्थापित कैना सफल हुइना विश्वास व्यक्त करले बाटै । लकडाउनसे कृषिमे आत्मनिर्भर बन्न पाठ सिखाइल उल्लेख करटी सोडारी रोजगार सृजना कैनामे कृषिके विकल्प खोजे नइमिल्ना बटैलै ।
क्षेत्र अधिकार प्रस्ट नइहुके संघियता कार्यन्वयन जटिल रहल ओ कोरानाके त्राससे भारी जनशक्ति लौटल ओरसे रोजगारीके अवसर पहिचान कैना देशमे कृषि जन्य आयात रोक्न स्थानीय सरकारसेफे कृषि लक्ष्यित योजना तय करे पर्नामे जोड डेलै ।
गौरीगंगाके मेयर भीमबहादुर देउवा वडा नं ९ हे मौरी पालनके पकेट क्षेत्र बनाके यहाँके उत्पादित (बाँकी ३ पेजमे) महके बजारीकरण कैना मह उपहार कार्यक्रम संचालन कैना बटैलै ।
प्रधानमन्त्री आधुनिकीकरण परियोजना कृषि ज्ञान केन्द्र कञ्चनपुरके कार्यक्रम संयोजक जनकबहादुर सिंह मौरीमे सुदूरपश्चिममे पहिल ब्लक कार्यक्रम करल जानकारी डेटी गोहुँ सुपरजोनके जस्टे कृषि औजार उपकरण लेके थन्क्यइना कार्यक्रम नइहके प्रत्यक्ष किसानसे अपन सहभागितामे व्यावसायिक उत्पादन कैना अनुगमन सहितके मौरी ब्लकके कार्य रहल बटैलै । विश्वमे खाध्यन्न उत्पादनमे मौरी पालनके योगदान महत्त्वपूर्ण रहल उल्लेख करटी कार्यक्रम संयोजक सिंह कहलै हाल नेपालमे महके नियमित सेवनसे आयात बह्रटी रहल देशमे मौरी पालन व्यावसायिक कैना सरकार लग्टी रहल बटैलै ।
परियोजनामे ब्लक संचालक समितिसे २३ लाख ४० हजार ओ कृषि ज्ञान केन्द्रके २५ लाख अनुदान करके ४८ लाख ४० हजार रुपैयाँके कार्यक्रम रहल बा । योजनाके सम्झौता अनुसार तीन सय मौरी गोला, सय खाली घार, आधार चाका, मह महदानी, घार औजार, स्क्राचर, टोपी, धुवा दानी, स्टेण्ड, फिडर, मैन बक्स, झुल लगायतके सामग्री किसानहे वितरण करल बा । कार्यक्रममे वडा नं ९ के अध्यक्ष हरिप्रसाद तिवारी, नेपाल मौरी पालक महासंघके महासचिव मोहनराज खनाल लगायतके सहभागीता रहल रहे ।

जनाअवजको टिप्पणीहरू