थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

सुदूरपश्चिममे १९ जनहनमे कोरोना पुष्टि

पहुरा | ३ श्रावण २०७७, शनिबार
सुदूरपश्चिममे १९ जनहनमे कोरोना पुष्टि

पहुरा समाचारदाता
धनगढी, ३ साउन ।
सुदूरपश्चिममे शनिच्चरके रोज १९ जनहनमे कोरोना पुष्टि हुइल बा । डडेल्धुरा प्रयोगशालामे ११ ओ धनगढी प्रयोगशालामे ८ कैके १९ जनहनमे कोरोना पुष्टि हुइल हो ।

डडेल्धुरा प्रयोगशालामे हुइल परीक्षणमे डोटीके ७, डडेल्धुरा ओ बझाङके २/२ जनहनमे कोरोना पुष्टि हुइल स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतम बटैलै ।

अस्टेक, सेती प्रादेशिक अस्पतालके प्रयोगशालमे हुइल परीक्षणमे ५ महिला ओ ३ पुरुष मे कोरोना पुष्टि हुइल बा । धनगढी उपमहानगरपालिका वडा नम्बर १८ के ४५ ओ ४८ वर्षिय पुरुष ओ वडा नम्बर १ के २२ वर्षिय पुरुषमे कोरोना पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै ।

उहाँक् अनुसार धनगढी उपमहानगरपालिका वडा नम्बर १४ के १९ ओ २४ वर्षिय महिला, वडा नम्बर १५ के २४ ओ २८ वर्षिय महिला ओ कञ्चनपुरके पुनर्वास नगरपालिका वडा नम्बर ५ के ३१ वर्षिय महिलामे कोरोना पुष्टि हुइल बा । सेती अस्पतालके प्रयोगशालामे पाछेक २४ घण्टामे २ सय ३७ जनहनमे कोरोना परीक्षण हुइल श्रेष्ठ बटैलै । सुदूरपश्चिममे शनिच्चरके १९ जाने थपलसंगे संक्रमितके संख्या ४ हजार २८ पुगल बा ।

जनाअवजको टिप्पणीहरू