कन्ट्याक्ट ट्रेसिङमे परल ६६ जनहनके स्वाब संकलन
पहुरा |
६ कार्तिक २०७७, बिहीबार
पहुरा समाचारदाता
हसुलिया, ६ कार्तिक । कैलालीके कैलारी गाउँपालिकामे कन्ट्याक्ट ट्रेसिङ कैके कोरोना परीक्षणके लाग ६६ जनहनके स्वाब संकलन करल बा ।
कैलारी गाउँपालिका–८, दक्षिण टेंढी गाउँके ३३ महिला ओ ३३ पुरुष कैके ६६ जनहनके बिफेक रोज स्वाब संकलन करल हो । उ गाउँमे दुई जाने संक्रमित पुष्टि हुइलपाछे थप दुई जनहनमे स्थानीय संक्रमण हुइल बा ।
गाउँमे कोरोना संक्रमण दुसरा चरणमे प्रवेश करलपाछे कन्ट्याक्ट ट्रेसिङ कैके संक्रमितके सम्पर्कमे आइल व्यक्तिहुक्रनके स्वाब संकलन करल गाउँपालिकामे कार्यरत स्वास्थ्यकर्मी कुसुम चौधरी जानकारी डेलै ।
धनगढीसे आइल उ गाउँके दुई जनहनमे कुछ दिन आघे कोरोना संक्रमण पुष्टि हुइल रहे । डुनु जनहनके कन्ट्याक्टमे आइल व्यक्तिहुक्रनके परीक्षण करेबर बुधके एक महिला ओ एक पुरुष सहित दुई जनहनमे स्थानीय संक्रमण पुष्टि हुइल रहे ।
सम्बन्धित समाचार
