कोभिड–१९ के खोप अभियानमे स्वंसेविका परिचालन कैना
पहुरा समाचारदाता
धनगढी, १९ फागुन । धनगढी उपमहानगरपालिकासे कोभिड १९ बिरुद्धके खोप अभियानहे प्रभावकारी बनाइक लाग घर–घरमे महिला स्वास्थ्य स्वयंसेविका परिचालन कैना हुइल बा ।
सरकारसे खोप लगाइक लाग प्राथमिकतामे पारल ब्यक्तिहुकनहे अनिवार्य खोप लगाइक लाग महिला स्वास्थ्य स्वयंसेविका परिचालन कैना नगरप्रमुख नृपबहादुर वड बटैलै ।
कतिपयमे कोभिड–१९ बिरुद्धके खोपके बिषयमे गलत बुझाई ओ भ्रम समेत रहल बटैटी नगरप्मुख वड कहलै ‘टबमारेफे घर–घरमे महिला स्वास्थ्य स्वयंसेविका परिचालन परिचालन कैना बटैलै,’ अपने पहिल खोप लगाइल बटैटी नगरप्रमुख वड कहलै, ‘कुछ असर नइकरठ ढुक्कसे खोप लगैना अनुरोध करटी ।’
धनगढी उपमहानगरपालिकाके उपप्रमुख सुशीला मिश्र भट्ट विश्व स्वास्थ्य संगठनसे ढुक्कसंग कोभिड १९ बिरुद्धके खोप लगैना आग्रह करटी रहल ओरसे भ्रममे नइपर्ना सक्कुहुनमे आग्रह करली । उहाँ कहली, ‘बरु खोप नइलगैलेसे जोखिम रहठ ।’ धनगढी उपमहानगरपालिका स्वास्थ्य शाखा प्रमुख डाक्टर खगेन्द्र बम कोभिड १९ बिरुद्धके खोप अभियानहे प्रभावकारी बनैना महिला स्वास्थ्य स्वयंसेविकासम्महे परिचालन कैना धनगढी उपमहानगरपालिका पहिल हुइल बटैलै ।
