मनै मरुइया २ बाघ नियन्त्रण
बर्दिया, ५ चैत । बर्दिया राष्ट्रिय निकुञ्ज ओ आसपासके क्षेत्रमे मनै तथा घरेलु जनावरहे आक्रमण करुइया २ बाघनहे नियन्त्रणमे लेहल बा । डिभिजन वन कार्यालय, राष्ट्रिय प्रकृति संरक्षण कोष ओ बर्दिया राष्ट्रिय निकुञ्जके टोलीसे नेपाल–भारतके खाता जैविक मार्ग क्षेत्रसे पाटेबाघ नियन्त्रणमे लेहल हो ।
इहीसे आघे बुधके बर्दिया राष्ट्रिय निकुञ्जके टोली एकठो पाटेबाघुवाहे नियन्त्रणमे लेहल रहे । कलेसे बिफेक रोज अन्दाजी १० बरसके भाले पाटेबाघहे टोली नियन्त्रणमे लेहल डिभिजन वन कार्यालयके सहायक वन अधिकृत दोर्ण शर्मा बटैलै ।
बर्दिया निकुञ्जके मध्यवर्ती क्षेत्र तथा खाता जैविक मार्ग आसपासमे मनै ओ पशुचौपायाहे बघुवा आक्रमण कैके ज्याने लेना घटना बह्रटी गैल बा । बिफेक रोज नियन्त्रणमे लेहल बघुवा १ बरसमे पाँच जनहनहे आक्रमण करल अनुमान करल बा । पाछेकछो गैल मंगरके एक महिलाहे पाटेबाघ आक्रमण कैके ज्यान लेहल लगत्ते निकुञ्ज ओ डिभिजन वन कार्यालयके टोली अनुगमन करटी आइल बावै ।
बाघके आक्रमणसे राष्ट्रिय निकुञ्ज ओ आसपासके क्षेत्रमे एक बरसभिट्टर ज्यान गुमुइयाके संख्या १० पुगल बा ।
