नन्दराजसे स्वर्गीय बाबक सम्झनामे भोजन सेवा
पहुरा समाचारदाता
धनगढी, २६ माघ । धनगढी उपमहानगरपालिका–७ धनगढी, कैलाली निवासी नन्दराज भट्ट अपन स्वर्गीय बाबक वार्शिक पुन्य तिथिके अवसरमे सुदूरपश्चिम प्रदेश कैलाली जिल्लाके सहारा घरमे भोजन सेवा प्रदान करले बटै ।
अपनभिटरके अब्बल आत्मबल ओ कठिन जीवनसंग सिगौतरी खेली सामाजिकीकरण हुइना सफल हुइल समाजसेवी, बहुमुखी प्रतिभाके धनी सामाजिक मानवअधिकार अभियानकर्मी बौद्धिक ब्यक्तित्व पुख्र्यौली घर सुर्नया गाउँपालिका–३ गोयली बैतडी हुके हाल स्वर्गीय बाबक सम्झनामे सडक मानव सेवा घरमे आश्रित रहल ११३ जाने बेसहारा सहयोगापेक्षितहुकनहे सोम्मार सकारे भोजन खवाइल रहिट ।
स्वर्गीय रनी भट्टके बरका छावा समाजसेवी भट्टके डाई पार्वती भट्टके गोसिया स्वर्गीय रनी भट्टके बि.स.२०७४ माघ २५ गते स्वस्थानी व्रत समाप्ति पाछेक फागुन कृष्ण अष्टमी तिथिमे स्वर्गारोहण हुइल रहे । उहाँक चार छावा बटै । सडक मानव सहाराघरके सञ्चालक बलबहादुर बिष्ट कहठै नन्दराज अपने शारीरिक रूपमे अशक्त हुइलेसेफे उहाँ सामाजिक मानवीयता सङगै समाज रुपान्तरण ओ समाजमे रहल अशक्त असहाय नागरिकके लाग करल सेवा ओ योगदान अतुलनीय बा । भोजन सेवापाछे नन्दराज भट्ट कहठै “महीहे मोर डाई बाबा जैसिक महीहे पिठ्मे बोक्के पह्रैले लिखैलै ओ आज जौन स्थानसम पुगैलै उ टे मोर लाग आजिवन भारी ऋणके भारी बा ।
मै कबु तिरे नैसेक्ना हुइलेफे एक छाक स्वर्गीय बाबक सम्झनामे सहयोगापेक्षित मानवहुकनहे खाना खवाई सेकलमे आभारी बटु । अइना दिनमे उ पबित्र आत्माहुकनके आशीर्वाद रहलेसे भर कुछ उदाहरणिय काम भर कैना प्रण करटु ।“
