माछापालनसे करोडौं आम्दानी
पहुरा समाचारदाता
धनगढी, ६ चैत । व्यवसायीक रुपमे माछा पालन कैके सुदूरपश्चिम प्रदेशके किसान १० करोड रुपैयाँ आम्दानी कैना सफल हुइल बाटै ।
व्यवसायीक माछा पालनके लाग प्रदेश सरकारसे ९० हेक्टर क्षेत्रफलमे पोखरी निर्माणके लाग बजेट विनियोजन करलपाछे १२६ ठो मत्स्य व्यवसायमे संलग्न किसान लाभान्वित हुइल हुइट ।
प्रदेशभिट्टर रहल प्राकृतिक तालतलैया, जलाशय ओ जुर पानीमे व्यवसायीक माछापालनके संभाव्यता अध्ययन तथा व्यवसायीक रेन्बो ट्राउट माछापालन संभाब्यता अध्ययन कैके पहाडी जिल्ला डोटीके जोराय ओ सायल गाउँपालिका, दार्चुलाके मार्मा गाउँपालिका ओ बैतडीके सुर्नया गाउँपालिका भिट्टर रेन्बो ट्राउट माछापालन शुरु करल प्रदेशके भुमि व्यवस्था, कृषि तथा सहकारी मन्त्रालय जनैले बा ।
सरकारी स्वामित्वके प्रदेशके एकठो किल मत्स्य विकास केन्द्र गेटा कैलालीसे ह्याचि·, फ्राई, फिंगरलि· ओ खैना मच्छी कैके ५ करोड ९७ लाख ७ हजार ८२९ गोटा माछा विक्री कैके केन्द्र ६० लाख १४ हजार ४६ रुपैयाँ राजस्ववापत रकम संकलन करल मन्त्रालयके सूचना अधिकारी गोकुलप्रसाद बोहरा बटैलै ।
मत्स्य विकास केन्द्रसे विक्री करल माछाके गोटा खरिद कैके प्रदेशके किसान १० करोडर वरावरके आम्दानी करल उहाँ बटैलै । मासु तथा मासुजन्य पदार्थके स्वच्छता कायम कैटी मन्त्रालयसे ५ ठो मिटमार्ट ओ कञ्चनपुरके महेन्द्रनगर, कैलालीके टिकापुर तथा अछामके मंगलसेनमे कैके तीनठो बधशाला निर्माण कैके सञ्चालनमे लानसेकल मन्त्रालय जनैले बा ।
मन्त्रालयसे तयारी मासु तथा दुग्धजन्य पदार्थके ढुवानीके लाग ५० प्रतिशत अनुदानमे तीनठो चिलि· भ्यानसमेत वितरण कैके बजारीकरणमे सहज हुइल बटाइल बा ।
