वनुवामे राह नियन्त्रणके लाग प्रभातफेरी
कञ्चनपुर, ६ चैत । कञ्चनपुरमे वन राह (डढेलो) नियन्त्रणके लाग जनचेतनामूलक प्रभातफेरीके आयोजना करल बा ।
शुकके रोज डिभिजन वन कार्यालय कञ्चनपुरके आयोजनामे कञ्चनपुरके महेन्द्रनगरमे प्रभातफेरी निकारल हो । वन डढेलो सप्ताहके अवसरमे वन कार्यालयसे जनचेतनामूलक प्रभातफेरी करटी सचेत करैले बा ।
वन कर्मचारी सहितके अन्य कर्मचारी, जनप्रतिनिधि वनकर्मीके हात हातमे वन डढेलो नियन्त्रण करी, वन जोगाइ कना प्लेकाड सहित प्रभातफेरी करले रहिट । डिभिजन वन कार्यालय कञ्चनपुरके डिभिजनल अधिकृत अजय बिक्रम मानन्धर वन क्षेत्रमे लग्ना राहके कारण जैविक विविधता एवं वन सम्पदा नष्ट हुइना हुइल ओरसे सब क्षेत्रसे वन संरक्षके लाग आवश्यकता रहल बटैलैं ।
प्रभातफेरीमे कञ्चनपुरके प्रमुख जिल्ला अधिकारी रामकुमार महतोसहितके निजामती कर्मचारी, सुरक्षाकर्मी, जनप्रतिनिधि, समुदायिक वनके पदाधिकारी सहितके सहभागिता रहे ।
