संसदमे काँग्रेससे प्रधानमन्त्रीके राजीनामा माग

काठमाडौं, ६ चैत । प्रमुख प्रतिपक्षी दल नेपाली काँग्रेस प्रतिनिधि सभा विघटन करना सरकारके निर्णय सर्वोच्च अदालतसे खारेज करडेहलपाछे सरकारके नैतिक उत्तरदायित्वके प्रश्न उठैले बा ।

शुकके रोज काँग्रेसके ओरसे बोल्टी काँग्रेस प्रमुख सचेत बालकृष्ण खाण घुमैना शैलीमे प्रधानमन्त्री केपी शर्मा ओली राजीनामा डेके नयाँ सरकार गठन करे डेहेपरना बटैले बाटैं ।

‘संविधानमे नैरहल व्यवस्थाअन्सार प्रतिनिधि सभा विघटन करके अत्रा भारी असंवैधानिक कदम चलसेकलपाछे, सर्वोच्चसे प्रतिनिधि सभा पुनस्र्थापना करसेकलपाछे सरकार नैतिक उत्तरदायित्व लेहेपरल कि नैपरल ? मार्ग प्रशस्त करेपठ कि नैपरठ ?’ खाण कलैं ।

खाण सर्वोच्च अदालत प्रतिनिधि सभा पुनस्र्थापना करलपाछे मिलके आघे बह्रे पर्नामे सरकार विधेयक नानलसमेत आरोप लगैलैं ।