प्रेस युनियनके जिल्ला स्तरीय रणनीतिक भेला

पहुरा समाचारदाता
धनगढी, ७ चैत । आसन्न नेपाल पत्रकार महासंघके निर्वाचनहे लक्षित कैके नेपाल प्रेस युनियन कैलाली धनगढीके कनरीमे जिल्ला स्तरीय रणनीतिक भेला हुइल बा ।

नेपाल प्रेस युनियनके अध्यक्ष बद्री सिग्देलके बर्का पहुुनाइमे हुइल भेलासे नेपाल पत्रकार महासंघके निर्वाचनमे नेपाल प्रेस युनियन एक होके आघे बह्रना निर्णय करले बा ।

भेलासे नेपाल पत्रकार महासंघके आसन्न निर्वाचनमे कैलालीमे प्रेस युनियनके उम्मेदवार छनौटके लाग १२ सदस्यीय कार्यदल समिति गठन करले बा । जिल्लाके एक सय ढिउर प्रेस युनियनमे आवद्द पत्रकारहुक्रनके सहभागीता रहल रहे । उहे भेलामे अंकुश कुँवर, केशव धामी, योगेन्द्र नायक, महेश कुँवर, दुर्गा धामी, गोपाल जोशी, खेमराज भट्ट, दिपक ओझा, राजकुमार साउँद, बालकृष्ण ओझा, रोशन भट्ट, मनिषा श्रेष्ठ, महेश बडू, तेज मल्ल लगायत नेपाल प्रेस युनियनमे प्रवेश करले बाटै ।

नेपाल प्रेस युनियनके अध्यक्ष बद्री सिग्देल उहाँहुक्रनहे टीका लगाके स्वागत करल रहिट । भेला नेपाल प्रेस युनियनके अध्यक्ष श्रवण देउवाके घरगोसियाइहे हुइल रहे । कार्यक्रमके सञ्चालन सदस्य कृत बिष्ट करल रहिट कलेसे स्वागत नेपाल प्रेस युनियनके लम्की–टीकापुर शाखाके सचिव नेत्र प्रसाद न्यौपाने करल रहिट ।