गौरीगंगामे प्रबिधिमैत्री बाल कक्षा सुरु
पहुरा समाचारदाता
मसुरिया,११ चैत । कैलालीमे प्रबिधिमैत्री बाल कक्षा सुरु करल बा । जिल्लाके गौरीगंगा नगरपालिका–९ मे प्रबिधिमैत्री बाल कक्षाके उद्घघाटन करल बा । वडाके शंकर आधारभूत विद्यालयमे वडा नं ९ के वडा अध्यक्ष हरि प्रसाद तिवारी उद्घघाटन करल हुइट ।
वडासे आर्थिक बरस २०७७–२०७८ मे विनियोजित बजेटसे बालविकास कक्षामे बिद्युतिय श्रब्यदृश्य शैक्षिक सामग्री स्मार्ट टिभी जडान करल हो ।
स्मार्ट टिभी जडानसे बाल कक्षामे आईसीटीके प्रयोगसे आधुनिक तरिकासे अध्यापन करैना सहज हुइना विद्यालयके प्रध्यानाध्यापक गणेश विक बटैलै ।
वडाके सक्कु सामुदायिक विद्यालयके बाल कक्षामे स्मार्ट टिभी जडान विद्यालयमे बालबालिका टिकाउ बिकाउ ओ सामाजिक शैक्षिक विभेद अन्तयके लाग सहयोग पुग्ना विश्वास लेहल वडा अध्यक्ष हरि प्रसाद तिवारीके कहाइ बा ।
प्रविधिके प्रयोग ओ शिक्षणसे सामाजिक ओ पारिवारिक ओ राष्ट्रके क्षमतावान नागरिक बनैना पह्राइके पहिल जग बाल कक्षाहे प्रविधि युक्त बनैना आवश्यक रहल डेखल ओरसे वडासे २ लाख रुपैया विनियोजन कैके कार्यान्वयन करल उहाँ बटैलै ।
