‘कार्यदलसे छनौट करल उम्मेदवारहे पार्टीसे स्वीकार’
पहुरा समाचारदाता
धनगढी, १९ चैत । नेपाल प्रेस यूनियन कैलालीसे नयाँ वर्ष २०७८ भित्ते पात्रो विमोचन करले बा । बुधके रोज धनगढीमे भित्तेपात्रो विमोचन तथा नया“ वर्षके शुभकामना आदानप्रदान कार्यक्रमके आयोजना करटी पात्रोके विमोचन करल हो ।
पात्रोहे नेपाली का“ग्रेस कैलाली सभापति नरनारायण शाह (मनु) ओ नेपाली का“ग्रेस सुदूरपश्चिम प्रदेश संसदीय दलके नेता रणबहादुर रावलसे संयूक्त रुपमे विमोचन करल रहिट । उ अवसरमे बोल्टी पार्टी सभापति मनु आसन्न पत्रकार महासंघके निर्वाचनमे प्रेस यूनियनके नेतृत्वहे विजयी करैना ओर केन्द्रित हुइना युनियनके सदस्यहुकनसंग आग्रह करलै । उहाँ कहलै– विगतमे प्रेस यूनियन एक हुइल जैसिन विल्गाइल नइरहे । अब्बे सक्कु एक ठाउ“मे बटै ।
संगठन व्यवस्थित हुइलेसे निर्वाचनमे विजयी हुई असम्भव नइहो ।’ उहाँ उम्मेदवार छनौटमे पार्टीसे कौनो हस्तक्षेप नइकैना फेरसे दोह¥याइलै । उहाँ कहलै– यूनियनसे बनाइल कार्यदलसे छनौट करल उम्मेदवारहे पार्टीसे स्वीकार करी । उम्मेदवारके विषयमे पार्टीसे निर्णय कैना नइहो । उहीहे समर्थन केल कैना हो ।’
नेपाली का“ग्रेस सुदूरपश्चिम प्रदेश संसदीय दलके नेता रावल कम्युनिष्टहुकनके कारण देश धरापमे पारल बटैलै । प्रधानमन्त्री केपी शर्मा ओलीके दम्भके कारण देशमे यैसिन अवस्था सृजना हुइल आरोप लगैलै । वर्तमान सरकार असंवैधानिक हिसाबसे आघे बढटी रहलफे उहाँक कहाई रहे । धनगढी उपमहानगरपालिका प्रमुख नृप वड हरेक क्षेत्रमे का“ग्रेस अपने कारणसे कमजोर हुइल बटैलै ।
प्रदेशमे अपराधिक क्रियाकलाप बढटी रहल कहटी सुरक्षा निकायहे गम्भीर बन्न आग्रह करले रहिट । उहाँ अपराधिक क्रियाकलापमे संलग्नहुकनहे सरकारसे संरक्षण हुइटी रहलफे आरोप लगैलै । कैलाली शाखा अध्यक्ष श्रवण देउवाके अध्यक्षतामे हुइल कार्यक्रमके सञ्चालन सचिव सीताराम ओझा करले रहिट ।
