ओरेकमे १३ सय २४ घटना दर्ता

पहुरा समाचारदाता
धनगढी, २० चैत । महिला पुनस्र्थापना केन्द्र (ओरेक) नेपाल कैलालीमे १३ सय २४ ठो घटना अभिलेखीकरण करल बा ।

३० औं वार्षिकोत्सवके अवसरमे विफेक धनगढीके आयोजित ‘लैङिक हिंसा सम्बोधनके लाग स्थानीय तहके संयन्त्र निर्माण ओ भूमिका’ विषयक सरोकारवालासंग करल अन्तरक्रिया कार्यक्रममे ओरेक नेपाल कैलालीके जिल्ला संयोजक विनु राना जोशी उ तथ्याङक अभिलेखीकरण हुइल जनैली । ओरेक कैलाली शाखा स्थापना हुके १३ बर्षके अवधि (सन २०१३ डिसेम्बरसे २०२० सम) १ हजार ३ सय २४ घटना अभिलेखीकरण हुइल उहाँ जनैली । यी अवधिमे ८८ मुद्दा फैसला, ३७५ मिलापत्र, ३०३ मुद्दा दर्ता ओ ५०२ जनहनहे सुरक्षा आवास सेवा डेहल संयोजक जनैली ।

अभिलेखीकरण हुइल घटनामे ८८१ जनहनहे घरेलु हिंसामे कुटपिट, १६ ठो चरित्र उप्पर आरोप, ४१ ठो स्रोत साधनसे बञ्चित, १०२ यौन हिंसा तथा यौन दुव्र्यवहार, ४४ ठो सामाजिक हिंसा (कुटपिट, ७० जाने बहुविवाह, ९९ ठो जवरजस्तीकरणी, ५ ठो सामुहिक बलात्कार, २९ ठो बोक्सीनियक आरोप, ३ ठो बालश्रमके घटना अभिलेखीकरण हुइल बा । ओस्टेक आत्महत्या ९, अल्पत्र २, अपहरण १, हत्या ६, ज्यान मर्ना उद्योग ५, मानव बेचविखन ६, बलात्कारके प्रयास २, बालविवाहके २ करके १३ सय २४ ठो घटना अभिलेखीकरण हुइल बा ।

नेपालके सवैधानिक व्यवस्था अनुसार ३ तहके संरचनामे न्याय प्रणालीमे हिंसा प्रभावित महिलाहे न्यायिक निकायमे पहल करेबेर ढिला सुस्ती काम हुइना ओ प्रहरी कार्यालयमे गिलेसे सिधे जाहेरी मग्ना ओ जाहेरी लेके जाईबेर मुद्द करे नइमन्ना संयोजक विनु बटैली । घटना राजनीतिकरण हुके न्यायिक निकायमे पहल कैना समस्या हुइना, फौजदारी अपराधके घटनामे आर्थिक करोवारके कारणसे घटना होस्टाइल हुइना, कम उमेरमे हुइना भोजके घटनामे प्रहरीमे उजुरी करेबेर प्रभावितह पुनस्र्थापना कैना समस्या, बलात्कार/हाडनाताके प्रभावित बालिकाहुकनके गर्भमे रहल बच्चाहे गर्भपतनके लाग परिवारसे दवाव डेना ओ बच्चा जन्माइक लाग सुरक्षा आवासमे रेफर करे पर्ना समस्या रहल संयोजक राना बटैली ।

३० औ बार्षिकोत्सवके अवसरमे शुभकामना डेटी दलित महिला अधिकार मञ्च कैलालीके अध्यक्ष सावित्रा घिमिरे लौङिक हिंसाके घटना बृद्धि हुइटी रहल बटैली । रहल कानून कार्यान्वयनमे फितालो हुइल कारण पीडित न्यायसे बञ्चित हुूइटी गैल ओ पीडकके मनोवल बह्रल उहाँ बटैली ।

कार्यक्रममे सेती प्रादेशिक अस्पतालके ओसिएमसी फोकल पर्सन यशोदा ढकाल, धनगढी उपमहानगरपालिकाके महिला तथा बालबालिका शाखा प्रमुख पंकजा जोशी, महिला अधिकारकर्मी गोमा आचार्य, महिला पैरवी मञ्चके सपना भण्डारी, जिल्ला प्रहरी कार्यालयके महिला सेल प्रमुख खेमराज पन्त लगायत शुभकामना डेटी लैङिक हिंसा विरुद्धके आवाज एक हुई पर्ना बटैलै ।

कार्यक्रमके संचालन ओरेक कार्यक्रम जिल्ला संयोजक गीता चौधरी करले रहिट । ओस्टेक ३० औं वार्षिकोत्सवके अवसरमे कैगिल कार्यक्रममे जमुना चौधरी केक कटले रहिट ।