हठियक आक्रमणसे एकके मृत्युु
पहुरा समाचारदाता
धनगढी, २१ चैत । कैलालीके जानकी गाउँपालिका–६ मे हठियक आक्रमणसे एक जनहनके ज्यान गैल बा । जगतपुर सामुदायिक वनके रानी टप्पामे कोचिया टुरे गैल ६० वर्षीय मन्सराम डगौराके हठियक आक्रमणसे मृत्यु हुइल इलाका प्रहरी कार्यालय टीकापुर जानकारी डेले बा ।
प्रहरी निरीक्षक अरुण बमसे शुकके तरकारीके लाग कोचियाके साग टुरे गैल चौधरीके हठियाके आक्रमणसे मृत्यु हुइल जानकारी डेलै । चौधरीके शव परीक्षणके लाग टीकापुर अस्पतालमे राखल बा ।
पाछेक समय वन जंगलभित्र ओ आसपासके क्षेत्रमे जंगली जनावर मनैनहे आक्रमण कैना क्रम बह्रल बा । लायकपुर सामुदायिक वन समितिके अध्यक्ष हरिहर गिरी वन जंगल विनास होके वन्यजन्तुके आहाराके अभावसे जंगली जनावर जंगल बाहर निक्रना, बनुवामे फेन आक्रमण कैना जैसिन घटना बह्रल बटैठै ।
‘जंगली जनावरके लाग आवश्यक आहाराके बारेम फेन सोच्न आवश्यक हुइल बा,’ उहाँ कहलै्, ‘उहाँहुक्रनके वासस्थान सुरक्षामे फेन चुनौती बह्रल बा, जिहीसे मनै नै जोखिममे परे लागल बाटै ।’
