गोदावरी पुलमे नेपालके झण्डा

पहुरा समाचारदाता
धनगढी, २१ चैत । कैलालीके गोदावरी पुलमे फेनसे नेपालके झण्डा राखल बा ।

गैल पुसमे थ्रीडीभिएल क्रियसन, नवादेव सेल्ताडा ट्रेड एण्ड सप्लायर्स ओ एसके हार्डवयरके सहयोगमे गोदावरीके पुरान पुलमे ८ फिट लम्बाइके झण्डा राखल रहे ।

मने इहे चैत १५ गते मंगरके अज्ञात समूहसे रातके तोडफोड कैटी उक्त झण्डा फेकल रहे । ओकरपाछे अभियान चलाके शनिच्चरके पुनः पुलमे २१ झण्डा राखल थ्रीडीभिएल क्रियसनके अध्यक्ष दिपक ओझा बटैलै ।

पाछेक समय उ झण्डासे पर्यटकहुक्रनहे समेत आर्कषक बनाइल रहे । फेनसे झण्डाके अपमान नैकैडेना उहाँ आग्रह करले बाटै । इहीसे उ क्षेत्रमे फेनसे पर्यटकहुक्रनके आवागमन बह्रे सेक्ना अनुमान करल बा ।