कैलालीके अध्यक्षमे हिमालय ओ सचिवमे प्रेम विजयी
पहुरा समाचारदता
धनगढी, २७ चैत । नेपाल पत्रकार महासंघके २६ औं चुनावी मत परिणाम बिफेक रोज सार्वजनिक हुइल बा ।
महासंघके २६ औं अधिवेशनसे कैलाली शाखाके अध्यक्षमे ७ मतान्तरसे हिमालय जोशी विजयी हुइल बाटैं । जोशी ८६ मत पैले बाटैं । उहाँके निकटतम प्रतिद्वन्द्वी श्रवण देउवा ७९ मत पैले बाटैं । अस्टेक अध्यक्षमे उम्मेदवार सुशील ढुंगाना १४ मत पैले बाटैं कलेसे टेकराज जोशी अध्यक्ष पदमे उम्मेदवारी डेके फेन देउवाहे समर्थन करटी उम्मेदवारी फिर्ता लेले रहिट ।
कैलाली महासंघके उपाध्यक्षमे ११७ मत पाके हर्कबहादुर विक विजयी हुइल बाटैं । उहाँके निकटतम प्रतिद्वन्द्वी पदम सापकोटा ५२ मत पैलै । महिला उपाध्यक्षमे दुर्गा देवकोटा १०७ मत नान्के विजयी हुइल बाटी । हुकान निकटतम प्रतिद्वन्द्वी जमुना न्यूरे ६६ मत पैली ।
अस्टेक महासंघ कैलाली शाखाके सचिवमे प्रेम चौधरी ८६ मत नानके विजयी हुइल बाटैं । उहाँके निकटतम प्रतिद्वन्द्वी युवराज न्यौपाने ७३ मत पैलै । सचिवके औरे सचिवके उम्मेदवार निराजन परियार २४ मत पैलै । अस्टेक सहसचिवमे घनश्याम पौडेल १३० मत नान्के विजयी हुइल बाटैं । उहाँके निकटतम प्रतिद्वन्द्वी वीरेन्द्र भट्ट ४० मत पैलैं । कोषाध्यक्षमे लक्ष्मीप्रसाद जैशी १०९ मत पाके विजयी हुइल बाटैं । उहाँक निकटतम प्रतिद्वन्द्वी प्रकाश मिश्र ७८ मत पैलैं ।
अस्टेक जिल्लाके सदस्यमे कैलाश जोशी (८९), दीपक उपाध्याय (८८) रतनलाल चौधरी (८५) सुनिल आउजी (८२), अंकुश कुँवर (७७), नेत्र जैशी (७६), कृष्णप्रसाद ओझा (८४), शंकर बोहरा (७४), नवराज पनेरु (७४) विजयी हुइल बाटैं ।
कैलालीमे १ सय ९३ मत मनसे १ सय ८७ मत गिरल रहे ।
अस्टेक सहसचिवमे दिनेश चौधरी, सदस्यमे भावना जोशी, जनजाति सदस्यमे नरेन्द्र चौधरी, समावेशी सददस्यमे गगन कठायत, दलित सदस्यमे भूपेन्द्र विक निर्विरोध चयन हुइल बाटैं ।
ओहोर नेपाल पत्रकार महासंघ सुदूरपश्चिम प्रदेशके अध्यक्षमे योगेश रावत ४ सय ६४ मतान्तरसे प्यानलसहित विजयी हुइल बाटैं । उहाँ ७ सय ५६ मत पैले बाटैं । उहाँके निकटतम प्रतिद्वन्द्वी कृष्ण ओली २ सय ९२ मत पैले बाटैं ।
उपाध्यक्षमे मत प्राप्त करके योगेन्द्र वलायर ६ सय ६५ मत पाके विजयी हुइल बाटैं । उहाँके निटतम प्रतिद्वन्द्वी लक्ष्मण तिवारी ३ सय ६१ मत पैलैं । महासचिवमे ६ सय १५ मत पाके रामसिंह ठगुन्ना विजयी हुइल बाटैं । उहाँके निकटतम प्रतिद्वन्द्वी शिवराज भट्ट ४ सय २५ मत पैलैं ।
सचिवमे ६ सय ६० मत पाके हरि जोशी विजयी हुइल बाटैं । उहाँके निकटतम प्रतिद्वन्द्वी नरेन्द्रसिंह कार्की ३ सय ३७ पैलैं । अस्टेक समावेशी सचिवमे प्रेम चुनारा ६ सय ६६ मत पाके विजयी हुइल बाटैं । उहाँके निकटतम प्रतिद्वन्द्वी बलबहादुर चदारा ३ सय ३१ पैले बाटैं । अस्टेक कोषाध्यक्षमे ५ सय ४८ मत पाके राम धामी विजयी हुइल बाटैं । उहाँके निकटतम प्रतिद्वन्द्वी नरेशकुमार शाही २ सय ८१ मत पैलैं ।
अस्टेक नेपाल पत्रकार महासंघ सुदूरपश्चिम प्रदेशके खुल्ला सदस्यमे भगिरथ अवस्थी (७०९), तपेन्द्र कुँवर (६६६), धर्मेन्द्र विसी (६३८), दीपेन्द्रराज भण्डारी (५६७), वीरबहादुर गडाल (५८४) विजयी हुइल बाटैं । महिला सदस्यमे कालीमैया चौधरी (७४२), बन्दना बम (७०७), रामदुलारी राना (६४४), दलित सदस्यमे भीम विक (५७३) ओ आदिवासी जनजाति सदस्यमे रामलखन चौधरी (७०७), रामबहादुर दहित (६४२) विजयी हुइल बाटैं ।
अस्टेक नेपाल पत्रकार महासंघके केन्द्रीय अध्यक्षमे विपुल पोखरेल विजयी हुइल बाटैं कलेसे सदस्य भूगोलओर भरतबहादुर शाह ओ उत्तरसिंह विष्ट विजयी हुइल बाटैं ।
