सुदूरपश्चिम प्रदेशमे ११ थारू पत्रकार नेतृत्व तहमे

पहुरा समाचारदाता
धनगढी, २७ चैत । नेपाल पत्रकार महासंघके २६ औं महाधिवेशनसे सुदूरपश्चिम प्रदेशमे प्रदेश ओ जिल्ला तह कैके ११ जाने थारू पत्रकार नेतृत्व तहमे पुगल बाटै ।

प्रदेश कार्यसमिति ओर ४, कैलाली जिल्ला कार्यसमिति ४ ओ कञ्चनपुर जिल्ला कार्यसमितिमे १ सहित ११ जाने थारू पत्रकार नेतृत्व तहमे पुगल हुइट । प्रदेश ओर समावेशी सदस्यमे रामबहादुर दहित चौधरी, रामलखन चौधरी, सदस्य महिलाओर कालीमैया चौधरी ओ रामदुलारी राना अत्यधिक मत लानके नेपाल पत्रकार महासंघ प्रदेश कार्यसमितिमे पुगल हुइट ।

यहोर कैलाली कार्यसमितिके लाग सचिवमे प्रेम चौधरी, सहसचिव (समावेशी) मे दिनेश दहित, खुला सदस्यमे रतनलाल चौधरी, सदस्य (समावेशी)मे नरेन्द्र चौधरी विजयी हुइल बाटै ।

ओस्टके कञ्चनपुर जिल्लामे उपाध्यक्ष (महिला) मे हेमन्ती चौधरी, सहसचिव (समावेशी) पहिलाद राना ओ सदस्य (समावेशी)मे लालबहादुर चौधरी विजयी हुइल बाटै ।