मोटरसाइकलके ठक्करसे बालकके मृत्यु

पहुरा समाचारदाता
धनगढी, २८ चैत । कैलालीके पूर्व–पश्चिम राजमार्ग अन्तर्गत स्याउलेमे मोटर साइकलके ठक्करसे एक बालकके मृत्यु हुइल बा ।

जिल्लाके गोदावरी नगरपालिका–८ स्याउलेमे शुकके साँझ मोटरसाइकलके ठक्करसे ५ वर्षिय बालक आयुष जोशीके मृत्यु हुइल हो । मोटरसाइक ठक्करसे घाहिल उहाँ उपचारके क्रममे शनिच्चर सकारे ओहककान मृत्यु हुइल हो ।

बालकहे ठक्कर डेहुइया मोटरसाइकल ओ चालकके आभिनसम पहिचान हुइ नैसेकल हो । मोटरसाइकल ओ चालकके पहिचान कैके कारबाहीके माग रख्टी मृतक बालकके परिवार तथा आफन्तहुक्रे सडक अवरुद्ध करल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतीक विष्ट जानकारी डेलै ।