हस्तकला सामग्री निर्माण तालिम

पहुरा समाचारदाता
अत्तरिया, २८ चैत । एभरेष्ट एकेडेमी अत्तरिया अपन विद्यार्थीके ४० जाने अभिभावकहुकनहे एक दिने हस्तकला सामग्री निर्माण अभिमुखीकरण तालिम प्रदान करले बा ।

खेर गिल रद्दी कागजके प्रयोगसे रोजगारी सिर्जना करके अभिभावकहुकनके आयआर्जन अभिबृद्धि करना उद्देश्यसे तालिम प्रदान करल हो ।

घर, विद्यालय, कार्यालय तथा उद्योगसे निक्रल रद्दी कागजके प्रयोग करके टमान मेरिक आकर्षक तथा बहुमुल्य गरगहना, सजावटके वस्तु तथा दैनिक उपयोगी वस्तु सहजिले निर्माण करे सेक्ना ओ यकर स्थानीय तथा अन्तर्राष्ट्रिय बजारमे मजा माग रहल बाट प्रशिक्षक सचिन भट्ट बटैलैं ।

यी अभिमुखीकरण पश्चात इच्छुक अभिभावकहुकनके छनौट करके व्यवसायिक तालिम प्रदान करना योजना रहल एकेडेमीके प्रधानाध्यापक स्माइल चौधरी बटैलैं ।