कैलाली अध्यक्षमे सोडारीहे जिम्मेवारी
पहुरा समाचारदाता
धनगढी, २९ चैत । नेकपा एमालेके माधव नेपाल समूहसे सुदूरपश्चिमके नौ जिल्लामे अलगे पार्टी संरचना बनैले बा ।
अँटवारके रोज पत्रकार सम्मेलनके आयोजना करके प्रदेशके नौ जिल्लामे गठन करल संरचनाबारे जानकारी डेहल हो । कैलालीके अध्यक्षमे दीर्घबहादुर सोडारीहे जिम्मेवारी टोकल बा ।
कञ्चनपुर जिल्ला अध्यक्षमे तारा लामा तामाङ, उपाध्यक्षमे जीवनराज थापा, सचिवमे रणबहादुर महरा ओ उपसचिवमे रवीन्द्र कुँवर रहल बटै । डडेल्धुरा अध्यक्षमे डा. तारा जोशी, उपाध्यक्षमे वीरेन्द्र बस्नेत, सचिवमे धनबहादुर साउद ओ उपसचिवमे शकुन्तला नगरकोटीहे चयन करल बा ।
बाजुरामे अध्यक्ष गगनबहादुर रावल, सचिव पुरबहादुर रावत, उपसचिव निरबहादुर शाही टोकल बटै । बैतडीमे अध्यक्ष महादेव भट्ट, उपाध्यक्ष कृष्ण साउँद, सचिव हर्कबहादुर धानुक ओ उपसचिव गौरीदत्त भट्ट टोकल बटै ।
डोटीके अध्यक्षमे चक्रबहादुर मल्ल, उपाध्यक्षमे दुर्गादत्त ओझा ओ उपसचिवमे मञ्जु मलासीहे जिम्मेवारी डेहल बा । अछाममे शेरबहादुर कुँवरहे अध्यक्ष ओ नन्दबहादुर कडायतहे सचिवके जिम्मेवारी डेहल बा ।
बझाङ जिल्ला अध्यक्षमे दिलबहादुर सिंह, उपाध्यक्षमे ईन्द्रबहादुर भण्डारी, सचिवमे दमनबहादुर भण्डारी ओ उपसचिवमे धनबहादुर बोहरा चयन हुइल बटै । दार्चुला जिल्ला नेतृत्वके बिषयमे जिल्ला कमिटीके सदस्य छलफल करके टुंगोे लगैना जिम्मा डेहल प्रदेश कमिटी सदस्य दिनेश सुवेदी जानकारी डेलै ।
बाजुराके उपाध्यक्ष, डोटीके सचिव, अछामके सचिव ओ उपसचिव ओ कैलालीके ओर पदाधिकारी सम्वन्धित जिल्ला कमिटीसे छन्ना करके जिम्मा डेहल समेत सुवेदी बटैलै । चैत २३ ओ २४ गते बैठल सुदूरपश्चिम प्रदेश कमिटीके विस्तारित बैठकसे जिल्लामे पार्टीके नेतृत्व चयन करल पत्रकार सम्मेलनमे जानकारी डेहल रहे ।
ओली समूहके डुसर नेतृत्व नेकपा (एमाले) अध्यक्ष एवम् प्रधानमन्त्री केपी शर्मा ओली समूहसे यी आघे जिल्ला नेतृत्व टोकल रहे । यी समूहसे पार्टीके अधिवेशनसे आइल ६ जिल्लाके नेतृत्व फेरल रहे ।
एमाले प्रदेश कमिटिसे जिल्ला अध्यक्षहे ‘फेरसे व्यवस्था नइहुइटसमके लाग कहटी जिल्लाके अध्यक्ष ओ सचिवके नाम उल्लेख करके जिम्मेवारी डेहल पत्र पठाइल रहे । कञ्चनपुरमे वीरबहादुर थापा (पाताल) हे अध्यक्ष बनाइल बा । पाताल माओवादी केन्द्रसे एमालेमे आइल हुइट ।
कैलालीमे रतन थापाहे अध्यक्ष बनाइल बा । थापा पूर्वमन्त्रीसमेत रहल सोडारी अध्यक्ष रहेबेर उपाध्यक्ष रहिट । डडेल्धुरामे प्रकाश साउँदहे जिम्मेवारी डेहल बा । जिल्ला अधिवेशनमे साउद जोशीसंगे अध्यक्ष पदमे हारल रहिट ।
डोटीमे चक्र मल्लहे हटाके रामबहादुर ऐरहे जिम्मेवारी डेहल बा । ऐर अधिवेशनसे जिल्ला सचिवमे निर्वाचित हुइल रहिट । अछाममे शेरबहादुर कुँवरहे हटाके चन्द्र बोहराहे बनाइल बा । ओस्टेक बझाङमे दिलबहादुर सिंहहे हटाके अफिलाल ओखेडाहे अध्यक्षके जिम्मेवारी डेहल बा ।
ओली निकट बैतडीके अध्यक्ष सुरेन्द्र पाल, दार्चुलाके अध्यक्ष रामदत्त जोशी ओ बाजुराके अध्यक्ष कालीबहादुर शाहीहे भर अध्यक्षमे निरन्तरता डेहल बा ।
