तुल्सीपुरके १७ औं साधारण सभा
पहुरा समाचारदाता
पहलमानपुर, ३० चैत । कैलालीके घोडाघोडी नगरपालिका वडा नम्बर १० थेवैमे रहल तुल्सीपुर सामुदायिक वन उपभोक्ता समूहके १७ औं वार्षिक साधारणसभा तथा सार्वजनिक सुनुवाई कार्यक्रममे निम्जल बा ।
सव डिभिजन वन कार्यालय सुखडके प्रमुख समिर थापाके बर्का पहुनामे हुइल कार्यक्रममे विशिष्ट पहुना घोडाघोडी नगरपालिका–१० के अध्यक्ष भीमबहादुर बम रहल रहिट ।
कार्यक्रममे कान्तिराज्यलक्ष्मी माविके विद्यालय व्यवस्थापन समिति अध्यक्ष खडकबहादुर रावत, समूहके अनुगमन समिति संयोजक बजिरसिंह बम शुभकामना मन्तव्य व्यक्त करले रहिट ।
कार्यक्रममे समूहके कोषाध्यक्ष खम्बबहादुर शाह १ करोड ७२ लाख ९१ हजार ८ सय ४९ रुप्या बराबरके आयव्यय प्रस्तुत करल रहिट ।
सामुदायिक वनके अध्यक्ष पुष्कलबहादुर बमके अध्यक्षतामे हुइल कार्यक्रमके संचालन लेखा समिति संयोजक इन्द्रबहादुर बम ओ स्वागत मन्तव्य समूहके सचिव रेवती मल्ल करले रहिट ।
