सुदूरपश्चिममे विद्युतीय चार्जिङ स्टेसन बनैना

पहुरा समाचारदाता
धनगढी,२ बैशाख । सुदूरपश्चिम प्रदेशमे विद्युतीय चार्जिङ स्टेसन बनैना हुइल बा । प्रदेशके टमान तिन जिल्लामे विद्युतीय चार्जिङ स्टेसनके निर्माण करजैना हुइल हो सात प्रदेशके टमान ५० स्थानमे विद्युतीय सवारी साधनके चार्जिङ स्टेसनके आपूर्ति, जडान, परीक्षण,सञ्चालन ओ मर्मतसम्भारके लाग ठेक्का सम्झौता हुइल बा ।

सुदूरपश्चिमके कञ्चनपुरके महेन्द्रनगर, कैलालीके धनगढी ओ डडेल्धुरामे १–१ कैके ३ ठो चार्जिङ स्टेसन रहना हुइल बावै । नेपाल विद्युत प्राधिकरणके विद्युतीय सवारी चार्जिङ पूर्वाधार विकास आयोजना ओ अन्तर्राष्ट्रिय टेण्डरसे छनोट हुइल वाङवाङ डिजिटल इनर्जी कर्पोरेसन लिमिटेड,जियाङ्सु, चीन बीच मंगरके ३७ करोड ७९ लाख ५५ हजार रुपैयाँमे (करबाहेक) ठेक्का सम्झौता हुइल हो ।