कञ्चनपुरमे एक्के दिन ११ जाने संक्रमितके मृत्यु

कञ्चनपुर, २८ वैशाख । कञ्चनपुरमे बिटल २४ घण्टामे थप ११ जाने संक्रमितके मृत्यु हुइल बा । यहाँस्थित महाकाली अस्पतालमे उपचाररत् संक्रमितके मृत्यु हुइल अस्पतालके कोभिड–१९ सम्पर्कव्यक्ति डा गोविन्द रोकाया बटैलैं ।

उहाँक अनुसार अस्पतालमे अब्बे संक्रमणके लक्षणसहित ८९ के उपचार हुइटा । ‘अक्सिजनके भरमे संक्रमितके उपचार हुइलेसे फेन पूर्ण रुपमे आपूर्ति हुइ सेकल नैहो,’ उहाँ कलैं, ‘अक्सिजन बाहेक अन्य विकल्पमे फेन संक्रमित सोचेपरना बेला आइल बा ।’

अन्य विधिसे फेन अक्सिजनके स्तर सामान्य अवस्थामे अइना जनैटी उहाँ उपचारमे रहल संक्रमित आत्मबल उच्च करेपरनामे जोर डेलैं । जिल्लामे दैनिक रुपमे संक्रमितके मृत्यु हुइटा कलेसे संक्रमितके संख्या फेन वृद्धि हँइटा ।