चाइनिज ताइपेईविरुद्ध नेपालके दोसर जित
काठमाडौं, २१ जेठ । विश्वकप २०२२ ओ एसियन कप २०२३ के संयुक्त छनोट अन्तर्गत दोसर चरणके खेलमे नेपाल चाइनिज ताइपेईहे २–० से पराजित करले बा ।
समूह बी अन्तर्गत कुवेतके जाबेर अहमद इन्टरनेशनल स्टेडियममे हुइल खेलमे नेपालके लाग अन्जन विष्ट ओ नवयुग श्रेष्ठ गोल करलैं । खेलके तेसर मिनेटमे प्राप्त पेनाल्टीमे अन्जनले गोल करके नेपालहे अग्रता डिलैले रहैं ।
चाइनिज ताइपेईके खेलाडीसे पेनाल्टी एरियामे बल ह्याण्ड करलपाछे नेपालसे पेनाल्टी पाइल ओ ओम्ने अन्जन विष्ट कौनो गल्ती नैकरलैं । यीआघे २०१९ मे हुइल छनोटके खेलमे नेपाल चाइनिज ताइपेईहे २–० से हटाइबेर दुनु गोल अन्जन करलैं ।
दोसर हाफमे नेपाल एक गोल थपल । सुनिल बलके स्थानमे दोसर हाफमे मैदान प्रवेश करल नवयुग त्रिभुवन आर्मी फुटबल क्लबके टिममेट सुमन अर्यालके क्रसमे गोल करलैं ।
समूह बी मे दोसर जितपाछे नेपाल ६ खेलसे ६ अंक जोरले बा । यीआघे फेन नेपाल चाइनिज ताइपेई विरुद्ध ३ अंक जोरले रहे । नेपाल आब जेठ २४ गते जोर्डन ओ जेठ २८ गते अष्ट्रेलियासंग खेली ।
