सुदूरपश्चिममे सांसद बोहरासे मुख्यमन्त्री भट्टके राजीनामा माग

धनगढी, २१ जेठ । सुदूरपश्चिम प्रदेशमे एमालेके प्रदेश सभा सदस्य पठानसिंह बोहरा मुख्यमन्त्री त्रिलोचन भट्टके राजीनामा माग करले बटैं ।

उहाँ एमालेसे सरकारहे डेहल समर्थन फिर्ता लेसेकल ओरसे माओवादी नेतृत्वके सरकार अल्पमतके परल ओरसे मुख्यमन्त्री राजीनामा डेहेपरना बटाइल हुइँट् ।

‘पार्टीसे समर्थन फिर्ता लेसेकल कारण यी सरकार स्वाभाविक रुपमे अल्पमतमे परल बा । अल्पमतके सरकारके प्रमुख मुख्यमन्त्री तत्काल राजीनामा डेहेपरठ,’ उहाँ कलैं ।

उहाँ अपनहे प्रतिपक्षी बैठना ठाउँके व्यवस्था हुइपरना बटैले बटैं ।

‘यी सरकारहे डेहल समर्थन एमाले फिर्ता लेसेकले बा ओकर जानकारी संसद् सचिवालयहे बुझागिल बा,’ उहाँ कलैं, ‘नेकपा एमाले प्रतिपक्ष हुइल बा । प्रतिपक्ष बेन्चमे बसाइके व्यवस्थापनके लाग फेन मै आग्रह करटुँ ।’