उपमहानगरपालिकाहे युवानेता भण्डारीसे १०० सिलेण्डर ओ पार्किङ जग्गा डेलै
पहुरा समाचारदाता
धनगढी, २ असार । धनगढी उपमहानगरपालिकाके मेयर नृपबहादुर वडके नागरिकके जीवन बचैना कोरोना अस्पताल अभियानसंग युवानेता क्षितिज भण्डारी हरिप्रीया प्रकाश फाउन्डेसन मार्फत तत्काल अक्सिजन सहयोगमे सहकार्य करल देवराज ओझा बटैले बटै ।
सुदुरपश्चिम प्रदेशमे सबसे ढेर सक्रिय धनगढी उपमहानगरपालिका डा. आरजु राणा देउवाके पहलकदमीमे चौधरी ग्रुपसंग सहकार्यमे नागरिकके सहयोग मार्फत १५० सिलेन्डर क्षमता अक्सिजन प्लान्ट ओ अत्याधुनिक चाईल्ड केयर अस्पताल निर्माण कार्य नइहुइटसम आवश्यक अक्सिजनहे पहिल चरणमे कम्तीमे १०० सिलेन्डर निःशुल्क भरके केल डेना सहमतिमे मेयर वड हस्ताक्षर करले बटै ।
नेपाली कांग्रेसके युवा नेता रहल क्षितिज भण्डारी सक्कु जे उपनगरपालिकाहे सहयोग करके टिसरा लहर आघे बालबालिकाके भ्यान्टिलेटर, आईसियुमे बालबिषेशज्ञ डाक्टर सहितके व्यवस्थापन करे पर्ना बटैलै । भण्डारीसंग अस्टे ड्राई क्वारेन्टाइन बनैना, अस्पताल वरपर पार्किङ्ग स्थल, टिसरा लहरमे ईमर्जेन्सी अइलेसे बिरामीके अस्थायी शिविर कोरोना अवधीसम निःशुल्क जग्गा डेना सहमति हुइल बा ।
यी आघे भण्डारी सुदुरपश्चिम प्रदेश सरकारके मुख्यमन्त्री त्रिलोचन भट्ट, प्रमुख प्रतिपक्षी दलका नेता डा. रणबहादुर रावल, नेका सभापती नारायण शाह, प्रदेश प्रमुख डिआईजी उत्तम सुबेदीके उपस्थितिमे ५०० अक्सिजन सिलेन्डर भरके डेना बोर्ड सहित अक्सिजन ट्रक सेती प्रादेशिक अस्पतालहे हस्तान्तरण करल नेता नृपबहादुर सुनार बटैलै ।
