जर्ज मन्सेके शतकमे हारके बडला लेटि सुदूरपश्चिम च्याम्पियन
जर्ज मन्ससे आक्रमक ब्याटिङ करटि शानदार शतक बनाइलपाछे सुदूरपश्चिम रोएल्स साविक विजेता लुम्बिनी लायन्सहे पराजित करटि नेपाल प्रिमियर लिग (एनपीएल) के तेसर संस्करणके उपाधि जिट्ले बा ।
टीयू मैदानमे टस हारके पहिल ब्याटिङ करल लुम्बिनी ६ विकेट गुमाके १५५ रन बनैले रहे । सुदूरपश्चिम १३.३ ओभरमे कौनो विकेट नगुमाके १५८ रन बनाके लक्ष्य पूरा करल हो ।
यीआघे सुरुवाती दुई संस्करणके फाइनलमे खेल्के पराजित हुइल सुदूरपश्चिम तेसर प्रयासमे एनपीएलके उपाधि जिटल हो ।
पहिल संस्करणमे जनकपुर बोल्ट्सँग पराजित हुइल सुदूरपश्चिम दोसर संस्करणमे लुम्बिनी लायन्ससँग फाइनलमे पराजित हुइल रहे ।
गैल वर्षके फाइनलसे यी संस्करणके कवालिफायरसम लुम्बिनीसे लगातार तीन खेलमे सुदूरपश्चिमहे पराजित करले रहे । फाइनलमे भर स्कटिस ब्याटर मन्से चम्कलपाछे सुदूरपश्चिम सब हारके बदला लेटि लुम्बिनीहे पराजित करल ।
सुदूरपश्चिमके लाग यीआघे प्लेअफके दुई खेलमे चले नैसेक्ना मन्से फाइनलमे शानदार ब्याटिङ करलैं ।
उहाँ ४९ बल खेल्टि ८ चौका ओ ८ छक्का मदतमे अर्धशतक पूरा करल हो । उहाँ एनपीएल फाइनलमे शतक प्रहार करना पहिल खेलाडी हो कलेसे एनपीएलमे शतक प्रहार करना छैटौं खेलाडी हो ।

अस्टे यी सिजन शतक प्रहार करना उहाँ तेसर खेलाडी हुइटैं । यीआघे पोखरा एभेन्जर्सके युवराज सम्रा ओ चितवन राइनोजके कमिल मिशारा शतक प्रहार करले रहे ।
लुम्बिनीके लाग दिलिप नाथ अविजित रहटि सर्वाधिक ३९ रन बनैलैं । कप्तान रोहित पौडेल ३० ओ विकेटकिपर निरोशन डिकवेला २८ रन बनैलैं । अली शेख २४ ओ डार्शी सर्ट २१ रन जोरलैं ।
लुम्बिनीके ओपनर आसिफ शेख फाइनलमे व्यक्तिगत १ रनमे आउट हुइलैं । यिहे सिजन लुम्बिनीमे अनुबन्त्र हुइल उहाँ तेसर ओभरमे स्कट कुगेलेइनके बलमे एबलीडब्लु आउट हुइलैं । आसिफ रिभ्यु लेलेसे फेन डिएआरस पाछे बल स्टम्प लागल पाछे उहाँ आउट हुइलैं ।
छैटौं ओभरमे बलिङमे आइल सुदूरपश्चिमके कप्तान दीपेन्द्र सिंह ऐरी तेसर बलमे सर्टहे बोल्ड करलैं । सर्टसे १८ बल खेल्टि ४ चौका मदतमे २१ रन जोरलैं ।

३५–२ के स्थितीसे कप्तान रोहित कुमार पौडेल ओ विकेटकिपर निरोशन डिकवेला लुम्बिनीके इनिङ्स सम्हरलैं । यी जोडी तेसर विकेटके लाग ३९ रनके साझेदारी करलैं । डिकवेलालई ११औं ओभरमे थरिन्दु रत्नायके बोल्ट करलपाछे रोहित दिलिप नाथसँग ३४ रनके साझेदारी करलैं ।
डिकवेला १७ बल खेल्टि १ चौका ओ २ छक्का मदतमे २८ रन जोरलैं । रोहित १५औं ओभरके अन्तिम बलमे रनआउट हुइलैं । रोहित ३१ बल खेल्टि ४ चौका मदतमे ३० रन जोरलैं । ओरकपाछे आइल सन्दिप जोरा ४ रन बनाके आउट हुइलैं ।
दिलिप नाथ ओ अली शेख ओकरपाछे लुम्बिनीके लाग छैटौं विकेटके ३३ रनके साझेदारी करलैं । लेट केमियो इनिङ्स खेलल अली शेख १२ बल खेल्टि समान २ चौका ओ २ छक्का मदतमे २४ रन योगदान करलैं ।
अन्तिमसम ब्याटिङ करल दिलिप नाथसे ३१ बल खेल्टि ३ छक्का मदतमे अविजित ३९ रन बनैलैं । रुबेन ट्रम्पलम्यान ४ रनमे अविजित रहलैं ।
बलिङमे सुदूरपश्चिमके स्कट कुगेलेइन २ तथा थरिन्दु रत्नायके ओ कप्तान दीपेन्द्र सिंह ऐरी ओ हेमन्त धामी समान १ विकेट लेलैं ।


