सेतीमे करल परीक्षणमे ८ जहनमे कोरोना पुष्टि

धनगढी, २ असार । सेती प्रादेशिक अस्पतालके प्रयोगशालामे करल परीक्षणमे थप ८ जहनमे कोरोना संक्रमण पुष्टि हुइल बा । बिटल २४ घण्टामे सेती प्रादेशिक अस्पतालके प्रयोगशालामे ८७ नमूनाके परीक्षणमे ८ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १३ जाने कोरोना संक्रमितके उपचार हुइटा । जोनमध्ये १ जाने भेन्टिलेटर ,११ जने आइसियूमे, १ जाने अक्सिजन सपोर्टमे उपचाररत बटैं ।

पाछेक २४ घण्टामे अस्पतालसे ३ जाने कोरोनामुक्त हुके घर लौटल बटैं कलेसे ४ जाने अस्पताल भर्ना हुइल सूचना अधिकारी श्रेष्ठले जानकारी डेलैं ।