काेटातुल्सीपुर मे हरेरी पुजा
काेटातुल्सीपुर, १६ सावन । बर्दगाेरिया गाउँपालिका वडा नं.-६, काेटातुल्सीपुर कैलाली में आज हरेरी पुजा हाेइल आहे । धान खेतीमेँ राेग, किरमा काँती, ना लागे साथे धान हरियर रहे, धान मेँ बाली ज्यादा लागे आउ धानके उब्जनी फेकुन बर्हे कैहके यी हरेरी पुजा हमरे सालुक करति कैहके काेटातुल्सीसीपुर के भलमन्सा श्री सरजु कठरिया बतैनेँ ।
हरेरी पुजा में खास करके शुद्ध दूध में पानी, बेलपतरी, नीम के पत्ता, भैँराेपाती आउ कुस केंहें काट के मिलाइल रहता । दूध में मिलाके बनाइल पुजा के सामान सहित गाउँक रखाइल गुरबा आउ किसाैका गुरुबा भरिन के अगुवाइ में गाउँक भलमन्साक खेत के एक पाँजर (तिकरा) में एक थाे मुरगा के बली चर्हाके, सररा के धुप मेँ अगेरी करके, कजरा, सेंदुर, घ्यु, छाकी, पानी साथे हरेरी पुजाक तहन बनाइल दुधपानी फेकुन चर्हा के सक्कु गाउँक तहनी सगाेल मेँ एक साथ पुजा करल जिता।
गरुबा के पुजा कर सकल बाद में गाउँक किसनमा भर हरेरी पुजाक तहन बनाइल वाला दुधपानी लैके अपना अपना खेतके उत्तर काेँनी मेँ सरराक धुप बना के अगेरी करके खेतमेँ दुधपानी चर्हाके (छिँतके) हरेरी पुजा करतियाँ ।
हरेरी पुजा कठरिया गाउँक एक खेतीपाती विशेष पुजा आहे । यी पुजा कठरिया रहल गाउँ मेँ खास करके सावन महिना ती लैके भदाैँ महिना के तिसरा हप्ता सम करतियाँ ।
– कठरियन पोष्टसे
