गुहरी मूल आयोजक समितिके संयोजकमे आशा चौधरी
पहुरा |
१७ श्रावण २०७८, आईतवार
पहुरा समाचारदाता
धनगढी, १७ सावन । थारु समुदायसे मनैना गुरही टिहुवारहे भव्य ओ सभ्य बनाइक लाग आशा चौधरीके संयोजकत्वमे मूल आयोजक समिति गठन करल बा ।
यिहे सावन २९ गते परल गुरही टिहुवार कोरोनाके बीच स्वास्थ्य मापदण्ड अप्नैटि मनैना निर्णय हुइल अनुसार आशा चौधरीके नेतृत्वमे मूल आयोजक समिति गठन करल हो ।
थारु समुदायहुक्रे विगत एक दशक आघेसे धनगढी उपमहानगरपालिका वडा नम्बर ८ क्याम्पसरोडस्थित गुरही चोकमे मनैटि आइल यी टिहुवार यी साल फेन ओहे ठाउँमे मनैना थारु कल्याणकारिणी सभा कैलालीके उपाध्यक्ष माधव थारु बटैलैं ।
सम्बन्धित समाचार
