थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ११ कार्तिक २६४५, बिफे ]
[ वि.सं ११ कार्तिक २०७८, बिहीबार ]
[ 28 Oct 2021, Thursday ]
.

थप ९४१ मे कोरोना पुष्टि, १३ जनके मृत्यु

पहुरा | ७ आश्विन २०७८, बिहीबार
थप ९४१ मे कोरोना पुष्टि, १३ जनके मृत्यु

काठमाडौं, ७ कुँवार । बिटल २४ घण्टामे नेपालमे ९ सय ४१ जहनमे कोरोना भाइरस पुष्टि हुइल बा । स्वास्थ्य तथा जनसंख्या मन्त्रालयसे डेहल जानकारी अनुसार ११ हजार ६२९ पीसीआर परीक्षणमे बिफेक रोज थप ९ हजार ४१ जहनमे संक्रमण पुष्टि हुइल हो । यी सँगे नेपालमे संक्रमितके संख्या ७ लाख ८८ हजार ७६९ पुगल बा ।

अस्टेक, एन्टिजेन विधिसे ३ हजार ६२४ परीक्षणमे २९८ जहनमे पोजिटिभ डेखगिल बा । २४ घण्टामे पीसीआर ओ एन्टिजेन विधिसे करल १५ हजार २४३ परीक्षणमे १ हजार २३९ जहनमे संक्रमण पुष्टि हुइल मन्त्रालयके तथ्यांकमे उल्लेख बा ।

नेपालमे बिटल २४ घण्टामे ठप १ हजार ३२४ जाने कोरोना भाइरस संक्रमणमुक्त हुइल बटै । हालसम मजा हुइनाके संख्या ७ लाख ५६ हजार ९५४ रहल बा । बिटल २४ घण्टामे कोरोना संक्रमणसे ठप १३ जहनके मृत्यु हुइल बा हालसम कोरोनासे मृत्यु हुुइनाके संख्या ११ हजार ७२ पुगल बा ।

हालसम पीसीआर परीक्षणके संख्या ४१ लाख ३६ हजार २०८ पुगल बा । क्वारेन्टाइनमे २४६ जाने रहल बटै कलेसे आइसोलेसनमे रहल ओइनके संख्या २० हजार ७४३ रहल बा ।

जनाअवजको टिप्पणीहरू