थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४५, अत्वार ]
[ वि.सं १९ मंसिर २०७८, आईतवार ]
[ 05 Dec 2021, Sunday ]

विद्यालयल स्तरीय ‘एभरेष्ट फुटवल टुर्नामेन्ट’ हुइना

पहुरा | ६ मंसिर २०७८, सोमबार
विद्यालयल स्तरीय ‘एभरेष्ट फुटवल टुर्नामेन्ट’ हुइना

पहुरा समाचारदाता
अत्तरिया, ६ अगहन ।
कैलालीके अत्तरियामे ‘एभरेष्ट फुटवल टुर्नामेन्ट २०७८’ हुइना बा । अत्तरियामे रहल एभरेष्ट एकेडमी, गोदावरी प्याब्सन ओ न्यु मालिका युवा क्लवके आयोजनामे अगहन २६ से पौष २ गतेसम आधारभूत तह विद्यालयल स्तरीय फुटवल टुर्नामेन्ट (प्रतियोगिता) हुई लागल हो ।


सोम्मार अत्तरियामे पत्रकार सम्मेलनके आयोजना करटी आयोजकसे उ बाटके जानकारी डेले बटै । पत्रकार सम्मेलनमे बोल्टी खेल संयोजक धर्मराज भट्ट स्वास्थ युवा तथा अनुशासित ओ व्यवसायिक खेलाडी विकास कैना टेवा पुगैना उद्देश्यसे प्रतियोगिता आयोजना करे लागल बटैलै ।


प्रतियोगितामे कैलाली ओ कञ्चनपुरके निजी विद्यालयके टिमके सहभागिता रहन जनाइल बा । खेल संयोजक भट्ट प्रतियोगितामे सहभागि हुइक लाग खेलाडीके उमेरहद १४ बर्ष तोकल बटैलै ।


प्रतियोगिता विजेता टिमहे १५ हजार तथा उपविजेताहे १० हजार प्रदान कैना आयोजक जनैले बा । ओस्टेक प्रतियोगितमे प्रत्येक खेलके म्यान अफ दि म्याच बराबर १ हजार ओ बेष्ट प्लियरहे ३ हजार डेना जनाइल बा ।
खेल संयोजक भट्ट स्थानीय सरकार, संघसंस्था, उद्योग व्यपारी, टमान विद्यालय विद्यार्थी तथा खेलपे्रमीहे प्रतियोगिता सफल पर्ना हातेमाले करडेना आग्रह करलै ।


गोदावरी प्याब्सनके नगर अध्यक्ष श्याम खत्री नम्मा समयसे कोरोना महामारीके कारण विद्यालयस्तरमे खेलकुदके प्रतियोगिता हुई नइसेकल ओरसे अब्बे कुछ अवस्थामे सुधार आइल ओरसे प्रतियोगिता आयोजना करल बटैलै ।
‘विद्यार्थीके सर्वाङीण विकासके लाग खेलकुदफे एकदम महत्तपूर्ण बा’ उहाँ कहलै ‘खेलकुदसे सामाजिक एकरुपता नन्नाफे मद्दत करठ ।’ उहाँ अइना दिनमे प्याब्सलनसेफे खेलकुदके कार्यक्रम संचालन कैना करके योजना निर्माण करल बटैलै ।

न्यु मालिका युवा क्लवके अध्यक्ष भरत भट्टराई प्रतियोगिता संचालनके लाग क्लवके ओरसे पूर्ण सहयोग हुइना बटैलै । उहाँ फुटबल प्रतियोगिता गोदावरी नगरपालिका– ३ मे रहल न्यु मालिका युवा क्लवके खेल मैदानमे हुइना बटैलै ।
प्रतियोगितामे १२ टिमके सहभागिता करैना लक्ष्य राखल आयोजक जनैले बा । जेकर लाग टिम दर्ता सुरु करल जनाइल बा । टिम दर्ता शुल्क १५ सय तोकल बा । प्रतियोगिता आयोजनाके लाग डेढ लाख खर्च अनुमान करल आयोजक जनैले बा ।

जनाअवजको टिप्पणीहरू