मूल सडक कालोपत्रेसे लेके बैजपुरमे १५ शैय्याके अस्पताल सञ्चालन

पहुरा समाचारदाता
धनगढी, २२ वेशाख । नेपाल कम्युनिष्ट पार्टी (माओवादी केन्द्र) कैलारी गाउँपालिका आपन चुनावी प्रतिवद्धतापत्र सार्वजनिक करले बा ।

कैलारी गाउँपालिका अध्यक्षके उम्मेदवार लाजुराम चौधरी (अंकित) ओ उपाध्यक्षके उम्मेदवार लक्ष्मी सत्गौंवा ओ पार्टीके गाउँपालिका अध्यक्ष बतासु चौधरी आपन पार्टीके चुनावी प्रतिवद्धता सार्वजनिक करल हुइट । माओवादीसे प्रतिवद्धता पत्रमे गाउँपालिकामे ग्राभेलयुक्त सक्कु मूल सडक आगामी चार बरसभित्रे कालोपत्रे कैना उल्लेख करल बा ।

टमान ठाउँमे चक्रपथ निर्माणके विस्तृत परियोजना प्रतिवेन तयार होसेकल ओरसे उहीहे पाँच बरसभित्रे कार्यान्वयन कैना, टमान लडियामे पुल निर्माण कैना, बैजपुरमे १५ शैयाके अस्पताल निर्माण कैना लगायत माओवादीके प्रतिवद्धता रहल बा । ओस्टके, हसुलियामे बहुमुखी क्याम्पस, उजलीसेमरमे बहुप्राविधिक शिक्षालय, लक्ष्मी माविमे आइटी कक्षाके स्तरोन्नति कैना प्रतिवद्धता पत्रमे उल्लेख रहल बा ।

हेरी, प्रतिवद्धतापत्रके पूर्णपाठ

आदरणीय दादाभैया तथा दिदीबहिनीयाहुक्रे,

मुलुकमे संघीय लोकतान्त्रिक गणतन्त्र, राज्य पुनःसंरचना, स्थानीय तहके संरचना, पूर्ण समानुपातिक समावेशिता, धर्मनिरपेक्षता, विभेदमुक्त समाजके सुत्रधार नेकपा (माओवादी केन्द्र) हो कनामे दुई मत नैहो । स्थानीय तहके पुनःसंरचनाके मूल प्रस्तावक रहल ओरसे यकर कार्यान्वयन कैना हमार पार्टी नेकपा (माओवादी केन्द्र) स्थानीय तहहे जनता वास्तविक स्थानीय सरकारके रुपमे स्थापित करे चाहठै । स्थानीय सरकारके राजनीतिक प्रणाली, शिक्षा, स्वास्थ्य, यातायात, साँस्कृतिक, सामाजिक, भाषा, कला, संस्कृति, न्याय, रोजगार ओ शान्ति सुरक्षालगायत समग्र विकासके आधारभूत मान्यताहे आत्मसाथ करले बा । कैलारी गाउँपालिकामे नेकपा (माओवादी केन्द्र)से ५ बरसमे ग्रामीण विकास सम्पन्न कैना, १० बरसमे शहरी विकास कैना, १५ बरसमे आधुनिकीकरण कैना ओ २० बरसमे स्मार्ट सिटीके रुपमे विकास कैना स्पष्ट परिकल्पना करले बा । जेकर नीति ओत्रे नेतृत्वके मूल ध्येयके साथ कैलारी गाउँपालिकाके समुचित विकासके लाग हमार कुछ एजेण्डा तथा प्रतिवद्धता इ मेरके बावै :-

• गाउँपालिकाभिट्रके ग्राबेलयुक्त गाउँ बस्तीके मूल सडक÷डगरा ४ बरसभित्रे कालोपत्रे कैना ।
• जनसमुदायबीचके अन्तरसम्बन्ध तथा कैलारी गाउँपालिकामे आमजनताके दैनिकी सहज ओ सुलभ बनाइक लाग ओ यातायातमार्फत आयस्तर बृद्धि कैना चक्रपथ (रिङ्ग रोड) दीर्घकालीन योजनाहे पाँच बरसभित्रे स्तरोन्नतीसहित कालोपत्रे सम्पन्न कैना ।
• चक्रपथ (रिङ्ग रोड)के दीर्घकालीन योजना अन्तरगत बसन्ता, मंझरा, टेंढी, गौरीगंगा, घुराहा लडियामे बन्ना पुलके विस्तृत परियोजना प्रतिवेदन (डीपीआर) तयार होसेकल ओरसे पाँच बरसभिट्टर कार्यान्वयन कैना ।
• डीपीआर हुइल रामपुर–कटैनी लडियामे पुल, मंझरा–कटैनी लडियामे पुल, लक्कड कटैनी लडियामे पुल, लम्मीफाँटा–बेनौली जोर्ना झलारी पुल, सुर्मी–बनकट्टा जोर्ना झालारी पुल निर्माण कैना ।
• गाउँपालिकाभिट्टरके टमान वडामे अतिआवश्यक रुपमे रहल प्रत्येक वडामे पहिल बरसमे कल्भर्ट निर्माण कैना ।
• गाउँपालिकासे रणनैतिक सडक योजनाके रुपमे ढारल धर्मपुरसे कोइलही टल्वासम सुर्मी नालासे लौसासम, सडकपुरसे लोहरपुरसम कालोपत्रे सम्पन्न कैना ।
• प्रत्येक वडामे रहल वडाके रणनैतिक सडक, वडा नं. ५ स्थित हुलाकी सडकसे छोटी पलियासम, वडा नं. ६ स्थित धर्मपुरसे भगतपुर–घुराहा–पुलसम, वडा नं. ३ स्थित हुलाकी सडकसे वडा नं. ३ के कार्यालयसम, वडा नं. २ स्थित कैलारी गाउँसे वडा नं. २ के वडा कार्यालयसम, वडा नं. ८ स्थित प्राथमिक स्वास्थ्य केन्द्र उदासीपुरसे दुधियासम, वडा नं. ९ स्थित जनता माध्यमिक विद्यालयसे गदरिया गाउँसमके डगराहे कालोपत्रे सम्पन्न कैना ।
• कैलारी गाउँपालिकाभिट्टर निर्माण हुइना सक्कु सडक गाउँपालिका सडक मापदण्ड २०७५ ओ सडक विभागके मापदण्ड अनुसार स्तरोन्नती कैना ।
• यहाँ निर्माण हुइना चक्रपथमा ‘कैलारी यातायात सेवा’ बस सञ्चालनके अवधारणाहे आघे बह्रैना ।
• वडा न.. ४, ६ ओ ८ मे तालिम, गोष्ठीलगायतके बहुउदेश्यीय सभा भवन निर्माण कैना ।
• सिकलसेल एनिमिया रोगके बिरामीनहे निःशुल्क स्वास्थ्य बीमा कैना ओ उपचार करे जैना ओ आइबर लग्ना यातायात खर्च बृद्धि कैना ओ बिरामीनहे आजीवन निःशुल्क औषधोपचारके लाग नेपाल सरकारसँग पहल कैना ।
• गाउँपालिकास्थित वडा न. ५ बैजपुरमे १५ शैयाके अस्पताल निर्माणके प्रक्रिया आघे बह्रसेकल ओरसे यथासिघ्र सञ्चालनमे लन्ना ।
• गदरिया स्वास्थ्य चौकीके स्तरोन्नतीसँगे भौतिक पूर्वाधार निर्माण कैना ।
• महिला स्वास्थ्य स्वयम सेविकाके क्षमता विकासके कार्यक्रम लन्ना ।
• हसुलियामे बहुमुखी क्याम्पस, उजेलीसेमरमे बहुप्राविधिक शिक्षालयके स्तरोन्नती, लक्ष्मी माध्यमिक विद्यालय पृथ्वीपुरमे आई.टी. कक्षाके स्तरोन्नती ओ जनता माध्यमिक विद्यालय गदरियामे कृषि प्राविधिक शिक्षाके स्तरोन्नती कैना ।
• यहाँ अध्ययन करसेकल विद्यार्थीनहे इन्टर्नशिपके व्यवस्था कैना ।
• उच्च शिक्षा अध्ययनके लाग लक्षित वर्ग (शहीद/वेपत्ता/घाइतेके परिवार, कमैया, कमलरी, दलित, अति विपन्न तथा जेहेन्दार विद्यार्थी)हे छात्रवृतिके व्यवस्था कैना ।
• निःशुल्क रुपमे लोक सेवा आयोगके तयारी कक्षा सञ्चालन कैना ।
• थारु मातृ भाषा शिक्षकके सुविधा बृद्धि कैना, शिक्षकहे समर्थन पत्र उपलब्ध करैना । साथे शिक्षकके क्षमता विकासके तालिम सञ्चालन कैना ।
• नमूना विद्यालयके स्तरोन्नती कैना ओ थप नमूना विद्यालय बृद्धि कैना ।
• गाउँपालिकासे विशेष क्षेत्र घोषणा करल सीमावर्ती गाउँ हौसलपुल, शिवरत्नपुर, मोहनपुर ओ भौगोलिक रुपसे उपेक्षित देवीगञ्ज, सामरचौरा, सिमराना, पर्सिनिहिया पुरुवा गाउँमे विशेष प्याकेजके कार्यक्रम (अनुदान) लागु कैना ।
• मोहना, कटैनी, घुराहा, घुरही लडियाके डुबान, कटान ओ पटानसे ग्रसित यहाँके बासिन्दाके बासोबास व्यवस्थित कैना लडिया नियन्त्रणके लाग गुरुयोजना निर्माण कार्यान्वयन कैना ।
• कैलारी गाउँपालिकामे रहल सम्पूर्ण मुक्तकमैया, सुकुमबासी, भूमिहीनहे जग्गाके लालपूर्जाके निस्सा वितरणके प्रक्रिया सुरुवात होसेकल ओरसे अइना आर्थिक बरस २०७९÷२०८० भित्रे लालपूर्जा वितरणके कार्य सम्पन्न कैना ।
• स्थानीय तहमे रहल न्यायिक समितिके कार्यहे निश्पक्ष, स्वतन्त्र, जनउत्तरदायी ओ छिटो छरिटो न्याय सेवा प्रदान कैना । साथे गाउँपालिकाके भलमन्सा प्रथा संरक्षण तथा विकास ऐन २०७८ हे प्रभावकारी कार्यान्वयन कैना ।
• सीमा अतिक्रमण, सीमा सुरक्षा ओ शान्ति सुरक्षाके लाग प्रभावकारी व्यवस्था कैना । साथे गाउँपालिकाके ग्रामीण क्षेत्रमे प्रहरी बिट स्थापनाके लाग पहल कैना ।
• शहीद परिवार, बेपत्ता, घाइते, आपाङ्ग ओ द्वन्द्व प्रभावित व्यक्तिहुक्रनके लाग सम्मान, संरक्षण, स्वास्थ्य, शिक्षा, सीप विकास, रोजगारलगायतके कार्यहे विशेष प्राथमिकता डेना ।
• समाजभिट्टरके अति गरिब, आपाङ्गता रहल व्यक्ति, एकल महिला, एकल पुरुषके लाग गाँस, बास, कपास, स्वास्थ्य, शिक्षाके ग्यारेन्टी कैना ।
• हिंसा प्रभावितके लाग सुरक्षित आवास गृह सञ्चालन करजैना बा ।
• सार्वजनिक स्थालमे निर्माण हुइना हरेक संरचना अपाङ्गमैत्री बनाजैना बा ।
• अपांगता रहल बालबालिकाके लाग पठनपाठनके लाग छुट्टे व्यवस्था करजैना बा ।
• गाउँपालिकाभिट्टरके टमान वडामे शव व्यवस्थापन स्थान तथा व्यवस्थित घाट निर्माण कैना ।
• विभेद मुक्त गाउँपालिका घोषणा होसेकल ओरसे गरिब बेरोजगार दलित समुदायके व्यक्तिके लाग आयआर्जनमूलक उत्पादनके कार्य (बाख्रा पालन, कुखरा पालन, बंगुर पालन, हाँस पालन इत्यादि) कार्य कैना । दलित समुदायके पुर्खौली पेशाहे प्रविधिसँग जोर्टी व्यवसायकरणमे जोड डेना । साथे समुदायभिट्टर जनचेतनामूलक कार्यक्रम कैना ।
• गाउँपालिकास्थित बेरोजगार यूवाहे पलायन हुइनासे रोक्न स्वरोजगारमूलक क्षमता विकास तथा रोजगार कार्यक्रम प्रत्येक गाउँ टोल बस्तीमे सञ्चालन कैना । गाउँपालिकास्थित प्रत्येक सहकारीहे जोर्ना मेरके एक सहकारी एक उद्योग स्थापना कैना ।
• कृषि पेशाहे मर्यादित ओ सम्मानित बनाइक लाग कृषिमे आधुनिकीकरण, व्यवसायकरण, यान्त्रीकरण कैके किसानहे कृषि उपजके उत्पादनमे बृद्धि ओ आर्थिक आयस्तर बृद्धि कैना ।
• जनजाति थारुभिट्टर पर्ना कुमाल थारु बस्तीहे प्राथमिकतामे राखके उहाँहुक्रनके पुर्खौली पेशा संरक्षण तथा प्रवद्र्धन कैटी लावा प्रविधिसँग जोर्ना कार्यक्रम लन्ना ।
• गाउँपालिकास्थित सार्वजनिक स्थान (बजार, विद्यालय, मठ मन्दिर, चर्च, देउथान)मे सार्वजनिक शौचालय निर्माण कैना ।
• कृषिमे उत्पादन बृद्धि करक लाग टेढी बाँध, गुरगी बाँध, दुधिया झलारी बाँधहे व्यवस्थित बनाके कैलारी गाउँपालिकाके सम्पूर्ण खेती योग्य जमिनमे सिँचाइके पूर्ण व्यवस्था कैना ।
• कृषि तथा पशु बीमा कार्यक्रम निःशुल्क कैना ।
• संघ, प्रदेश ओ कैलारी गाउँपालिकाके लागत साझेदारीमे कार्यान्वयनमे हुइटी रहल वनदेवी धार्मिक पर्यटकीय क्षेत्र ओ डुबरी ताल मिनी पार्क दु्रत गतिमे कार्य सम्पन्न कैना ओ विस्तृत परियोजना प्रतिवेदन (डीपीआर) हुइल कोइलही ताल, कालीमाई मन्दिर ओ बसन्ता जैविक मिनीपार्क निर्माण कैना ।
• कोइलही ताल, मझरा ताल, कैलारी ताल, राखौना ताल, पुरैना ताललगायत अन्य तालहे पर्यटकीय स्थलके रुपमे विकास कैके आयमे बृद्धि कैके रोजगारके सुनिश्चिता कैना ।
• प्रत्येक वार्डमे बाल उद्यान स्थापना कैना ।
• थारु भेषभुषा, भाषा, कला, संस्कृति ओ पहिचानके संरक्षणके लाग विशेष कार्यक्रम कैना । गाउँपालिकाभिट्टरके मौलिक थारु गाउँ पहिचान कैके गाउँहे नै संग्राहलयके प्रारुप डेना । साथे मादल तथा वाद्य बादनलगायत सामग्री बनैना तथा बजैना तालिम सञ्चालन कैना ।
• थारु हस्तकलासे निर्मित दुना, टपरी, डेलुवा, ढकिया, मचिया, खटिया, गुन्ड्री, खैचां, सुप्पा (नाङलो)लगायत सामग्रीके प्रबद्र्धन तथा बजारीकरण कैना ।
• निर्माण होसेकल ओभरहेड खानेपानी योजना सञ्चालन कैना ओ निर्माण हुइटी रहल वडा नं.५ ओ ४ के खानेपानी योजना सम्पन्न कैके सञ्चालन कैना ओ वडा नं. ६ मे खानेपानी योजना निर्माण कैना । साथे ‘शुद्ध खानेपानी स्वस्थ जिन्दगानी’के नाराहे प्रभावकारी कार्यान्वयन कैना मेरके मागमे आधारित उच्च नल घर–घरमे पुगैना ।
• हसुलिया बजारहे शहरीकरणके लाग व्यापारिक तथा औद्योगिक केन्द्रके रुपमे विकास कैना ओ गाउँपालिकाभिट्टरके गदरिया, मोहनी बजार, पबेरा, उजेलीसेमर, कैलारीलगायतके बजार व्यवस्थित विकास कैना ।
• गाउँपालिकाके मुख्य–मुख्य बजार क्षेत्रमे फ्री वाईफाईके व्यवस्था कैना । साथे प्रत्येक वडामे सार्वजनिक पुस्ताकालय तथा ई–लाइब्रेरी स्थापना कैना ।
• प्रविधिके विकास कैटी सरकारी कार्यालयहे प्रविधिमैत्रीके अवधारणाहे प्रवद्र्धन कैना ।
• राष्ट्रिय तथा अन्तर्राष्ट्रिय स्तरमे ख्याति प्राप्त गाउँपालिकाके खेलाडीनके सम्मान ओ प्रोत्साहन कैना साथे नयाँ खेलाडीहुक्रनके क्षमता विकास हुइना मेरके खेलकुद विकासके लाग खेल मैदान, कभर्ड हल निर्माण कैना ।
• नेपाल सरकारके प्राकृतिक स्रोत तथा वित्त आयोगसे तयार पारल कार्य सम्पादन मूल्याङ्कन प्रतिवेदन अनुसार कैलारी गाउँपालिके उत्कृष्ट गाउँपालिकाके रुपमे स्थापित होसेकल ओरसे आगामी दिनमे ‘ग्रीन एण्ड स्मार्ट’ गाउँपालिकामे विकास कैना ।
• बसन्ता कोरीडोर क्षेत्रहे संरक्षण ओ सम्बद्र्धनके लाग जडिबुटी रिसर्च केन्द्र स्थापना कैके स्थानीय थारु समुदायके गुरुवा, धामी तथा बैद्यके व्यवस्थापन कैना ।