डिसिएसे फाप्ला सफाईके जिम्मा

पहुरा समाचारदाता
धनगढी, १६ बैशाख । एसपीए कलेजसे सुरु करल ५०० मिटर सफाईं अभियानमे धनगढी क्रिकेट एकेडेमी, डिसिएसे साथ डेले बा । डिसिएसे अपन ५०० मिटर क्षेत्रभिटर पर्ना फाप्ला क्रिकेट मैदानके सरसफाईंके जिम्मा लेटी उ अभियानमे ऐक्यवद्धता जनाइल हो ।

शुकके एसपीएसे सन्तोषी टोलके ५०० मिटर क्षेत्र सफाईंके जिम्मा अपने लेटी उ उ अभियानके शुभारम्भ करल रहे । संघसंस्थासे अपन ५०० मिटर क्षेत्र सरसफाईंके जिम्मा सफा ओ स्वच्छ धनगढी बनैना अभियानसे सार्थकता पैना कहटी एसपीएसे उ अभियानके घोषणा करल हो ।

एसपीएसे उ अभियानमे जोरना आह्वान करलपाछे अपने शनिच्चर “सफा मैदान–स्वास्थ खेलाडी“ नाराके साथ फाप्ला मैदान सरसफाईंके जिम्मेवारी लेहल डिसिएके प्रबन्धक समुयल न्यौपाने बटैलै । यू १६ राष्ट्रिय क्रिकेट प्रतियोगिता चल्टी रहल बेला फाप्लामे शनिच्चर डिसिएके प्रशिक्षणरत खेलाडी, प्रशिक्षक ओ अफिसियलसे फाप्ला क्षेत्रके सरसफाईं करल रहे । हरेक हप्ता यी अभियानहे निरन्तरता डेना प्रबन्धक न्यौपाने जनैलै ।

हम्रे धनगढीके टमान विद्यालय÷संस्था संग सहकार्य करके धनगढी सरसफाइ अभियानहे निरन्तरता डेबी ।
“फाप्ला क्रिकेट मैदान नियमित रूपमे सरसफाइ कैना जिम्मेवारी हम्रे लेबी । समुदायमे रहल मैदान, धार्मिक स्थल, टोल जैसिन सार्वजनिक स्थलके सरसफाइके जिम्मेवारी लेना सक्कुहुनमे आव्हान करटी ।” प्रबन्धक न्यौपाने बटैलै ।