सरकारसे १७ खर्ब ५१ अर्ब ३१ करोड रुप्याके बजेट घोषणा
काठमाडौँ, १५ जेठ । अइना आर्थिक वर्ष २०८०/८१ के बजेट १७ खर्ब ५१ अर्ब ३१ करोड रुप्या बराबरके हुइना बा । सोम्मार संघीय संसदहे सम्बोधन करटी अर्थमन्त्री डा प्रकाशरण महतसे उ बजेट घोषणा करल हुइट । जेम्ने चालुओर ११ खर्ब ४१ अर्ब ७८ करोड, पुँजीगतओर ३ खर्ब २ अर्ब ७ करोड ओ वित्तीय व्यवस्थापन ओर ३ खर्ब ७ अर्ब ४५ करोड रुप्या रहल अर्थमन्त्री महत जानकारी डेलै ।
सरकारसे खर्च कटौतीके योजनासहित बजेट नन्ले बा । जौनअनुसार आर्थिक मन्दीओर उन्मुख अर्थतन्त्रहे चलायमान बनैना लक्ष्य बजेटसे लेले बा । ओस्टेक, अइना आर्थिक वर्षमे देशके आर्थिक वृद्धिदर बढैना ओ दुसरा चरणके आर्थिक सुधारके योजना समेत सरकारसे बनैले बा । अर्थमन्त्री डा. महतसे अइना आर्थिक वर्षके बजेटमे विकास निर्माणहे समेत प्राथमितामे धरले बटै । ओस्टेक करके कृषि, स्वास्थ्य ओ पर्यटन क्षेत्रहे प्राथमिकतामे रख्टी बजेट बढाइल बा ।
सरकारसे अइना आर्थिक वर्षमे सांसद विकास कोषमे प्रतिसांसद ५ करोड रुपैयाँ डेना हुइल बा । अर्थमन्त्री डा.प्रकाशशरण महतसे प्रतिसांसद ५ करोडके दरसे बजेट विनियोजन करल जनैले बा । यकर लाग सरकारसे ८ अर्ब २५ करोड रुप्या बजेट विनियोजन करले बा । सरकारसे ऊर्जा क्षेत्रके विकासके लाग सिँचाइ, जलस्रोत तथा ऊर्जा मन्त्रालय ओर ८७ अर्ब ४५ करोड रुपैयाँ बजेट विनियोजन करले बा । उ बजेट चालु आवसे २१ अर्ब रुपैयाँल कम हो ।
अर्थमन्त्री डा. प्रकाशशरण महतसे सम्पन्न हुइना खालके रणनीतिक आयोजनाहे केल बजेट व्यवस्थापन करलपाछे भौतिक पूर्वाधार ओ ऊर्जा जैसिन विकाससे मन्त्रालयके बजेट कटौती हुइल हो ।
चालु आवके लाग ऊर्जाओ ७५ अर्ब १० करोड रुपैयाँ बजेट विनियोजन करल रहे । ओस्टेक जलस्रोत तथा सिचाइ ओर ३३ अर्ब ५० करोड रुपैयाँ विनियोजन करल रहे ।
सरकारसे शहरी विकास मन्त्रालयके बजेट बढाके झण्डे दोब्बर पु¥याइल बा । अर्थमन्त्री डा प्रकाशशरण महतसे शहरी विकास मन्त्रालयके लाग ६६ अर्ब १७ करोड रुपैयाँ बजेट विनियोजन करले बा । चालु आवमे यी मन्त्रालयके लाग ३७ अर्ब ७३ करोड रुपैयाँ केल बजेट विनियोजन करल रहे । यी मन्त्रालयहे अइना आर्थिक वर्षके लाग करीब ३० अर्ब रुपैयाँ ढेर बजेट विनियोजन करल हो ।
सरकारसे दुरा चरणके आर्थिक सुधार ओ अर्थतन्त्रके संरचनागत परिवर्तनके नारासहित आर्थिक वर्ष २०८०÷८१ के बजेट तयार पारल अर्थमन्त्री डा महत बटैलै । अइना आर्थिक वर्षमे घरजग्गाके कारोबार व्यवस्थित कैना सरकारसे घोषणा करले बा । यकर लाग महानगरके संलग्नतामे एकीकृत कारोबारके आधार तय पर्ना अर्थमन्त्री डा. प्रकाशसरण महत घोषणा करले बटै ।
ओस्टेक, सहकारी क्षेत्रके बचतहे उद्यम विकास ओ रोजगारी सृजना हुइना क्षेत्रमे लगानी कैना प्रोत्साहन कैना सरकारके योजना बा । बचत तथा ऋण सहकारी संस्थाके कार्यक्षेत्र निश्चित भौगोलिक क्षेत्रमे केन्द्रित करके सेवा प्रवाहहे व्यवस्थित कैना समेत सरकारसे घोषणा करले बा । ओस्टेक, सहकारी क्षेत्रमे पारदर्शिता ओ सुशासन कैना लक्ष्यसहित सरकारसे बजेटमार्फत भूमि व्यवस्था सहकारी मन्त्रालयहे ७ अर्ब २४ करोड बजेट विनियोजन हुइल बा ।
सरकारसे ऊर्जा मन्त्रालयहे ८७ अर्ब रुपैयाँ बजेट विनियोजन करले बा । अइना आर्थिक वर्षके बजेट भाषण करटी अर्थमन्त्री डा. प्रकाशशरण महतसे अइना वर्ष ऊर्जा मन्त्रालयहे ८७ अर्ब बजेट विनियोजन करल घोषणा करल हुइट ।
सरकारसे खानेपानी मन्त्रालयहे २८ अर्बसे ढेर बजेट विनियोजन करले बा । अइना आर्थिक वर्षके बजेट भाषण करटी अर्थमन्त्री डा प्रकाशशरण महतसे खानेपानी मन्त्रालयहे २८ अर्ब १६ करोड बजेट विनियोजन करल बटैलै । सरकारसे स्वास्थ्य तथा जनसंख्या मन्त्रालयहे ८३ अर्बसे ढेर बजेट विनियोजन करले बा । स्वास्थ्य तथा जनसंख्या मन्त्रालयहे ८३ अर्ब ९९ करोड बजेट विनियोजन बा ।
संस्कृति पर्यटन तथा नागरिक उड्ययन मन्त्रालयके लाग ११ अर्ब ९६ करोड छुट्यइल बा । श्रम तथा सामाजिक सुरक्षा मन्त्रालयके लाग ८ अर्ब ८ करोड रकम बजेट बिनियोजन करले बा ।
