थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ सावन २६४८, बिफे ]
[ वि.सं ३ श्रावण २०८१, बिहीबार ]
[ 18 Jul 2024, Thursday ]

सुदूरपश्चिमके ओझाके ऐँठनहे मदन पुरस्कार

पहुरा | १४ आश्विन २०८०, आईतवार
सुदूरपश्चिमके ओझाके ऐँठनहे मदन पुरस्कार

काठमाडौं, १४ कुँवार । इ बरसके मदन पुरस्कार आख्यानकार विवेक ओझाके उपन्यास ऐँठनहे डेना हुइल बा । मदन पुरस्कार गुठीके अँट्वारके बैठकसे उक्त निर्णय करल हो । आख्यानकार ओझा कैलालीके टीकापुरके स्थायी बासिन्दा हुइट ।

ओस्टके, २०७९ सालके जगदम्बाश्री वरिष्ठ कलाकार टेकवीर मुखियाहे डेना निर्णय हुइल गुठी जनैले बा । ओझाके इहीसे आघे ऐलानी नामक उपन्यास प्रकाशित बा कलेसे मुखिया लम्मा समयसे ललितकला ओ पुस्तकके आवरण सिर्जनामे सक्रिय रहल बाटै । डुनु पुरस्कारके राशि ४÷४ लाख रुपैयाँ ओ प्रमाणपत्र रहल बा ।

विसं २०१२ मे स्थापित मदन पुरस्कार गुठीसे पहिलचो २०१३ सालमे गद्य विधामे सत्यमोहन जोशीके हाम्रो लोक संस्कृति, सामाजिक शास्त्रमे चित्तरञ्जन नेपालीके जनरल भीमसेन थापा ओ तत्कालीन नेपालु तथा विज्ञान विधामे बलराम जोशीके ‘अधिकविभव स्थिर विद्युत् उत्पादक पुस्तकहे मदन पुरस्कार प्रदान करल रहे ।

विसं २०४५ सालमे रानी जगदम्बाके निधनपाछे ओहकान सम्झना स्वरूप जगदम्बा–श्री पुरस्कारके स्थापना करल रहे । इ सम्मान पहिलचो नारायण गोपालहे डेहल रहे कलेसे नेपाल तथा नेपाल बाहरसे प्राप्त नेपाली भाषामे प्रकाशित पुस्तकमध्ये एकहे मदन पुरस्कार तथा नेपाली भाषा, वाङ्मय तथा संस्कृतिके श्रीवृद्धिमे योगदान करुइया व्यक्ति ओ संस्थाहे जगदम्बा–श्री डेटी आइल बा ।

जनाअवजको टिप्पणीहरू