करेन्ट लागके मृत्यु

पहुरा समाचारदाता
कञ्चनपुर, १७ माघ । कञ्चनपुर जिल्लाके पुनर्वास न.पा.३ स्थित आइविआरडी स्थित वडा नम्बर १ बैठना ३२ वर्षीय राधेश्याम रानाके करेन्ट लागके बुधके सकारे मृत्यु हुइल बा ।

विद्युतके पोलमे जाके तार तन्ना काम करटी रहल अवस्थामे एक्कासी करेन्ट लागके पोलसे गिरके गम्भीर घाहिल हुइल उहाँहे उपचारके लाग तत्काल माया मेट्रो अस्पताल धनगढी लैगिलमे हुकन उहे अस्पतालमे उपचारके क्रममे मृत्यु प्रहरी जनैले बा । यी सम्बन्धमे प्रहरी आवश्यक अनुसन्धान करटी रहल बा ।