सिँचाइके लाग जनश्रमदानमे जुट्लै किसानविश्वासके मत पैनामे मुख्यमन्त्री सोडारी विश्वस्त

पहुरा समाचारदाता
धनगढी, २ जेठ । सुदूरपश्चिमके मुख्यमन्त्री दीर्घबहादुर सोडारी प्रदेश सभासे विश्वासके मत पैनामे विश्वस्त रहल बाटै ।
पार्टीके बैठकके सिलसिलामे काठमाडौँमे रहल उहाँ जेठ ३ गते बैठ्ना प्रदेश सभा बैठकसे विश्वासके मत पैना विश्वास व्यक्त करल हुइट ।

सोडारी एकीकृत समाजवादीसहित एमाले, माओवादी केन्द्र, नागरिक उन्मुक्ति पार्टीके रञ्जिता समूह ओ स्वतन्त्र सांसदके समर्थनमे वैशाख ६ गते मुख्यमन्त्री नियुक्त हुइल रहिट । मुख्यमन्त्री हुइल २८ दिनपाछे उहाँविश्वासके मत लेना तयारी करल हुइट । विश्वासके मत डेना सम्बन्धमे गठबन्धन दलभित्रे कौनो समस्या नैरहल उहाँके जिकिर रहल बा ।

‘गठबन्धन दलभिट्टर कौनो समस्या नैहो । सक्कु दलसँगके सल्लाह बमोजिम नै जेठ ३ गते प्रदेश सभा बैठक बोलाइल हो । विश्वासके मत पैनामे मै ढुक्क बाटुँ,’ मुख्यमन्त्री सोडारी कहलै । उहीसे आघेवैशाख २१ ओ २२ गते प्रदेश सभासे विश्वासके मत लेना चाहल रहिट । मनेनेकपा एमालेसे आपनसँग कौनो सल्लाह नैकैके मुख्यमन्त्री आघे बह्रल कहटी यथास्थितिमे विश्वासके मत डेहे नैसेक्ना अडान लेहलपाछे डुनु बेर प्रदेश सभा बैठक स्थगित हुइल रहे ।

सत्ता घटक माओवादी केन्द्रके सांसद झपटबहादुर साउँद मुख्यमन्त्री सोडारीहे विश्वासके मत डेना बटैले बाटै । उ विषयमे छलफलके लाग ३ गते सकारे संसदीय दलके बैठक बोलाइल उहाँ बटैलै । ‘मुख्यमन्त्री विश्वासके मत लेटी बाटै । उहाँहे विश्वासके मत डेना पक्षमे बाटी । विश्वासके मत डेना विषयमे शीर्ष तहमे समझदारी हुइल खबर पैले बाटी,’ साउँद कहलै, ‘उहे विषयमे निर्णय लेना जेठ ३ गते सकारे दलके बैठक बोलाइल बा ।’

एमालेके सांसद चक्रबहादुर मल्ल मुख्यमन्त्री सोडारीहे विश्वासके मत डेना वा नैडेनाकना विषयमे दलभिट्टर कौनो छलफल नैहुइल बटैलै । ‘इ विषयमे निर्णय लेहक लाग दलके बैठक बोलाब । बैठक ज्या निर्णय करी, हम्रे उहे करब,’ मल्ल कहलै ।

विश्वासके मत लेना विषयमे मुख्यमन्त्री सोडारी प्रधानमन्त्री तथा नेकपा माओवादी केन्द्रके अध्यक्ष पुष्पकमल दाहाल ‘प्रचण्ड’ ओ एमालेके अध्यक्ष केपी ओलीसँग शुकके बालुवाटारमे भेट करल एकीकृत समाजवादीके नेताहुक्रे दाबी करले बाटै । प्रचण्ड ओओलीके सहमतिमे जेठ ३ गते विश्वासके मत लेना तयारी हुइल एकीकृत समाजवादीके उपनेता प्रकाश रावल बटाइल रहिट ।

५३ सदस्यीय प्रदेश सभामे बहुमतके लाग कम्तीमे २७ मत आवश्यक परठ् । गठबन्धन दल एमालेके ११, माओवादी केन्द्रके १०, एकीकृत समाजवादीके ४, नागरिक उन्मुक्ति पार्टीके रञ्जिता समूहके २ ओ स्वतन्त्र कैके जम्मा २८ मत रहल बा । प्रदेश सभामे कांग्रेसके १८, नाउपा रेशम चौधरी पक्षके ५ ओ राप्रपाके एक सांसद रहल बाटै । उ मध्ये नाउपाके प्रमुख सचेतक खुसीराम डगौरा थारु विश्वासके मतके पक्षमे मतदान नैकैना उहीसे आघे ह्वीप जारी करल रहिट । यद्यपि एकीकृत समाजवादी ओ एमालेबिच संघमे तिक्ततापूर्ण सम्बन्ध रहल ओरसे मुख्यमन्त्री सोडारी विश्वासके मत पैनामे आशंका जन्मैले बा । संवैधानिक व्यवस्था बमोजिम मुख्यमन्त्रीमे नियुक्त हुइल ३० दिनभित्रे विश्वासके मत नैपैलेसे उहाँ स्वतः पदमुक्त हुइना बटै ।